Tourism Corporation Bonaire ta bay organisa un tremendo spurtogt

Tourism Corporation Bonaire (TCB) ta bay organisa un tremendo spurtogt pa hoben relashona ku Luna di Turismo den luna di september. E spurtogt ta tuma luga riba diasabra 23 di september 2023 entre 10 or di mainta pa 12 or di merdia den area di Kralendijk.

 Hobennan entre 9 pa 12 aña por participa. Pa participa mester forma grupo di 5 hoben compaña pa un adulto riba 21 aña, tambe mester yena un formulario di participacion na TCB. Esaki ta completamente gratis. Ultimo dia cu por inskribi ta diarason 13 di september 2023. Despues cu nan caba inskribi, cada grupo ta haya un colo pa nan participa kune. Mester crea un fantasia ront di e colo y lo bay tin un premio extra pa esaki.

Durante e spurtogt e hobennan lo bishita diferente sitio turistico y historico, compaña tambe cu algun actividad cu tin di haber cu esakinan. Despues di e spurtogt tur participante ta ricibi un lunch y un ‘goody bag’ como obsekio di TCB.

E grupo cu tin mas punto y cu yega den e tempo stipula ta bira ganado di e spurtogt. Ta saka e ganadonan den e siguiente secuensia: di tres luga, di dos luga y e ganadonan apsoluto di e spurtogt. Ta bay tin premionan atractivo y lo entrega esakinan durante e evento di Taste of Bonaire riba diasabra 30 di september, na unda Luna di Turismo ta bay culmina.