Fraccion nan den parlamento ta preocupa cu e situacion y iresponsabilidad di gobierno riba decision pa Rijkswet. Lider di fraccion di PPA Otmar Oduber ta indica cu ta for di Januari na momento cu prome Minister Evelyn Wever Croes ainda tabata na mando como prome minister di Aruba tabatin un relato cu a keda duna den parlamento di Aruba.
E tempo ey fraccion di AVP y fraccion di FUTURO no kier a duna un posicion pa loke ta trata un Rijkswet. PPA a puntra e tempo ey kico ta nan posicion, pero nan mes a indica cu den un reunion publico nan lo kier divulga kico nan posicion ta, pero lamentablemente abase di esey fraccion di PPA a pidi un reunion for di dia 30 di januari pa un reunion publico, pero te dia di awe no a haya e reunion publico aki.
Sinembargo na momento cu un reunion wordo yama tin un regla den parlamento cu den 30 dia reunion mester wordo yama. Sinembargo e tempo ey parlamento di Aruba a conoce e presidente di parlamento di mas malo den historia politico di Aruba, esta Gerlien Croes y e no a yama e reunion den e termino di 30 dia y e la trapa riba e ley y regla di parlamento di Aruba.
Fraccion di PPA a manda un carta y a apela riba e posicion aki cu presidente di parlamento Gerlien Croes a tuma , unda cu a bisa e tempo ey cu kier forma un frente nacional cu tur partido den parlamento y tambe e gremionan na Aruba pa por manda un mensahe cla y raspa pa Hulanda di kico ta e posicion di Aruba, pero lamentablemente e barbie cabes bashi di parlamento a tuma un postura di no yama e reunion y awe por mira kico ta e consecuencianan cu ta tumando luga.
Parlamento a pidi e reunion pa asina pidi e sosten di e gobierno cu ta na mando na e momento ey, pa fraccion di PPA no tabata importa cu tabata MEP of AVP y FUTURO cu ta den gobierno, pero fraccion di PPA tabata kier pa Aruba ta firme y ta cla y raspa den loke ta e decision di Rijkswet pa Aruba.
Lider di fraccion di PPA Otmar Oduber ta lamenta tambe cu e presidente di parlamento nobo Marlon Sneek tampoco a cumpli cu reglamento di ordo y ya caba a pasa mas di 60 dia cu e peticion aki a wordo haci pa parlamento por tene e reunion aki , pero no a haci e reunion.
Tambe secretario di estado Zsolt Szabo tabata na Aruba y e tabata hopi categorico y a papia contra di loke ta e lenguahe di loke ta e decision di Minister President y den e caso aki ningun hende no a haci nada y ta mira cu esun cu a keda laga na caya ta Pais Aruba, e ciudadano nan di Aruba cu a confia na un gobierno cu ta lucha pa su pueblo y no entrega su pueblo pa wordo colonisa.