cuminsa cu trabounan pa organisa e area no asfalta di e sitio di staciona na Plenchi Brion. E trabounan aki ta pa trese un distribucion mas cla y eficiente di e espacio disponibel, pa por usa e area di staciona di un forma optimal y sigur. E sitio lo keda di diabaas, pero lo marca aproximadamente 60 sitio di staciona den un forma duradero.
E trabou lo tuma luga di diabiarna 18 di september te cu diadomingo 20 di september:
Diabiarna 18 di september: for di 3’or di atardi ta inicia e trabou y marca e sitio;
Diasabra 19 di september: lo tin trabounan durante henter dia;
Diadomingo 20 di september: trabou durante henter dia, segun expectativa lo finalisa pa atardi.
Durante e trabounan por tin limitacion den accesibilidad di e plenchi, pa esaki ta pidi usuarionan sigui indicacionnan di trafico den e area.
Cu planificacion eficiente di e espacio disponibel, lo ta mas visibel con mester usa e area. Lo tin un distincion entre espacio pa staciona y caminda pa camna. Na e manera aki, tur hende por usa e plenchi na un manera sigur, ordena y eficiente.
Cu e trabounan aki, Directorado di Supervision y Mantencion di Ley (Directie Toezicht en Handhaving) y Directorado di Planificacion y Desaroyo (Directie Ruimte en Ontwikkeling) di Entidad Publico Boneiro ta tuma e siguiente paso concreto den mehoracion continuo di espacio publico den centro di ciudad.
