Entidad publico Boneiro tin intencion pa pone un parcela di tereno di gobierno na
disposicion di Frans Paradise N.V. c.q. huur esaki cu Frans Paradise N.V. E parcela lo ta den uzo
como un scol di windsurf. E parcela cu ta bay pone na huur ya pa algun aña caba ta den uzo cerca
Frans Paradise. For di e localidad aki e ta haci su operacion comercial (scol di windsurf). Dia 3 di
september 2024 Colegio Ehecutivo a otorga un permit di naturalesa pa den forma comercial
explota un scol di windsurf (duna les y huur material) y pa construccion di e edificionan
corespondiente na Sorobon.
Den cuadro di e peticion pa permit di naturalesa a formula un MER.
Entidad publico Boneiro ta considera cu tin suficiente motibo presente pa bay over na emision di e
parcela cu a pidi pa huur na Frans Paradise. Mas aleu entidad publico Boneiro ta di opinion cu no tin
mester di ofrece e espacio pa competencia pa medio di un procedura di seleccion, describi den e
aresto Didam, pa motibo cu a base di e echo cu ya caba e otorga un permit di naturalesa,
solamente e candidato actual ta bini na remarca pa e emision.
Banda di esaki ya caba tin varios otro scol di windsurf establece den e bisindario directo y te asina leu cu ta conoci niun otro hende no a entrega un peticion pa e parcela pa cua tin intencion di emision. Reclamo y termino di reaccion – No por entrega ni institui ningun punto di bista, ni obhecion, ni apelacion den sentido di e Ley General di Derecho Administrativo (Awb) contra e traspaso propone. Si bo ta di opinion cu bo tambe mester bini na remarca pa emision di e tereno aki of bo no por bay di acuerdo cu e intencion aki, bo mester haci esaki conoci denter di un periodo di 20 dia calendario despues di e publicacion, pa medio di entama un caso sumario cerca Corte di Prome Instancia. Tambe bo tin cu manda un copia digital di e dagfar na directie_ro@bonairegov.com. Por fabor indica riba esaki e number di referencia y titulo di e publicacion.