E incidente den cual a tira riba auto di un agente policial ta sumamente serio. Pesey Cuerpo Policial Hulanda Caribense (KPCN) ta tuma e incidente aki di tal forma. E investigacion ta den fase inicial y ta ehecuta esaki cu cautela y determinacion.
Violencia, menasa y intimidacion contra agentenan policial ta completamente inaceptabel. Nos polisnan mester por haci nan trabou di un manera sigur, sin menasa, intimidacion of agresion. KPCN ta para tras di su trahadornan y ta sigui compromete su mes pa nan siguridad y proteccion.
Nos no ta tolera intimidacion. Nos ta sigui actua na un manera profesional, cu determinacion y den unidad, y ta haci loke ta spera di nos: esey ta sirbi y protegi nos comunidad.
Arma di candela ilegal ta forma un menasa directo pa siguridad di nos comunidad. Posesion y uso ilegal di arma di candela y menasa otro hende cune, ta hechonan castigabel grave. Nos ta actua cu determinacion contra esaki. KPCN ta sigui compromete su mes pa detecta y kita arma di candela ilegal for di riba caya.
Como hefe di cuerpo mi kier pa esaki ta bon cla: esun cu usa violencia contra nos trahadornan, menasa nan of purba intemida nan, no lo descurasha nos. Nos ta sigui haci e trabou y lo actua cu determinacion, dentro di e limitenan di ley, contra personanan cu pasa e limitenan aki.