BonaireFeaturedInternacional

Treinnan di calamidad riba escala grandi na curoil dia 13 di september venidero

Pap Treinnan Di Calamidad Riba Escala Grandi Na Curoil Dia 13 Di September Venidero 1

E team di combatimento di calamidad di Boneiro hunto cu Curoil Depot Hato ta bay simula un desaster cu combustibel. E treinnan di calamidad riba escala grandi aki den bisindario di Curoil Depot Hato ta tuma luga riba diaranson 13 di september 2023 for di 14.30 or te 17.00 or.

Pa medio di simula un candela, e team di combatimento di calamidad ke trein nan acercamento di crisis den un forma mas realistico posibel. Pa motibo di siguridad durante e treinnan ta cera Kaya Gob. N. Debrot pa un parti na altura di Boat Yard te na Zhung Kong Supermarket. Lo pone un ruta di desviacion via Kaya Nijmegen, Kaya Den Haag, Kaya Diamanta y Kaya Breda.

Mirando ubicacion di WEB den e asina yama area di efecto di e treinnan aki, e empleadonan di WEB lo tin cu bandona tereno di WEB pa corto tempo.

Pa e treinnan den practica aki ta bay haci uzo di figurante pa actua como herido pa asina crea un treinnan mas realistico posibel. Mas aleu Cuerpo Policial Hulanda Caribense (KPCN) y Cuerpo di Bombero Hulanda Caribense (BKCN) lo ta visibelmente presente. Cruz Cora lo duna sosten na e ambulancenan.

Cuijpers Consultancy ta organisa e treinnan riba encargo di entidad publico Boneiro y Curoil. Tur aña e team di calamidad di entidad publico Boneiro ta organisa un treinnan di calamidad riba escala grandi pa ta bon prepara den caso di un eventual calamidad.

Related posts

Minister Maduro di Cultura a hiba palabra na e di 42 Conferencia General di UNESCO na Paris, Francia

EA News Author

Aruba ta registra su di 2 caso positivo di Monkeypox.

EA News Author

‘Minister Thijsen hopi contento cu e decision aki di RMR

EA News Author

1 comment

Leave a Comment

Whatsapp Message