CARACAS / MARACAIBO — 3 di januari 2026
Estados Unidos a hiba cabo un operacion militar di gran escala tempran diasabra mainta na Venezuela, cu resultado e detencion di presidente Venezolano Nicolas Maduro y su señora. Asina a confirma ex-presidente Mericano Donald Trump.
Den un mensahe riba su plataforma di medio social Truth Social, Trump a bisa cu e operacion a sali bon y cu Maduro y su casa a wordo captura y saca for di Venezuela. Segun Trump, e operacion a wordo ehecuta den cooperacion cu instancianan di ley di Estados Unidos.
Trump tambe a anuncia cu lo tin un conferencia di prensa awe diasabra pa 11 or di mainta na Maracaibo.
Habitantenan di capital Caracas a raporta cu por lo menos shete explosion a tende den e oranan tempran di mainta. Rondo 2 or di mainta, avionnan militar cu tabata bula na actitud hopi abou a wordo mira riba e ciudad.
E helicopternan cu a wordo observa riba Caracas ta pertenece na e Regimento 160 di Aviacion pa Operacionnan Special di Ehercito Mericano, conoci como e “Night Stalkers”, un unidad specialisa den misionnan secreto y di halto riesgo.
Gobierno di Venezuela a declara cu luganan tanto civil como militar den Caracas, asina tambe den e estadonan Miranda, Aragua y La Guaira, a wordo afecta pa e operacion.
Autoridadnan di Estados Unidos no a duna mas detaye te ainda riba e circunstancianan di e detencion ni riba e status legal di Maduro y su famia. Segun Trump, nan ta awor bao custodia di husticia Mericano.