Venezuela

Visa pa Venezolanonan entrante prome di april


ORANJESTAD, Aruba

Entrante prome di april, 2020, Venezolanonan lo mester di un visa pa Aruba, Corsou, Sint Maarten, Boneiro, Sint Estatius y Saba. Asina a wordo informa riba e portal di Reino Hulandes y cual informe a keda publica pa e portal Venezolano cactus24.
Segun e publicacion, esun cu haci peticion pa un visa “tin obligacion di presenta personalmente. E regla aki ta aplicabel tambe pa menornan di edad”. E visa tin un duracion di maximalmente 90 dia na Corsou o otro partinan di Reino Hulandes den Caribe.
Entre e exigencianan di Reino Hulandes pa haya visa ta “presenta un paspoort of otro documento di biahe, cu tin al menos dos pagina den blanco. E documento mester tin un vigencia ainda minimo di tres luna despues di e biahe pa e partinan Caribense di Reino.”.
Ora cu presenta e peticion, mester entrega e paspoort. Si kier un comprobante cu e paspoort ta na Embahada of Consulado Hulandes, hiba un fotocopa extra di e paspoort y nan lo entrega e copia ey cu un seyo di e embahada of consulado. E tramite aki ta gratis.”
E decision pa pidi visa pa e Venezolanonan a wordo anuncia na october di aña pasa, ora cu por medio di un comunicado Hulanda a splica cu “a yega na e decision aki despues di constata cu e situacion na Venezuela a empeora, ademas di e incidencia den e migracion iregular for di e pais ey pa e islanan bisiña cu a aumenta den forma alarmante”.
E obligacion di visa ta pa tur e ciudadanonan cu tin paspoort Venezolano, cu excepcion dies nan cu tin visa of estadia na Merca, Canada, Inglatera, Reino Uni of Irlanda.
Entre e rekisitonan, e solicitantenan di visa mester presenta “e ruta di su biahe, por ehempel cu un reserva di avion. Ta conseha pa no cumpra pasashi te ora cu haya e visa.”

Related posts

Diferente fundacion na Aruba a celebra dia internacional di refugiado

EA News Author

Tencionan halto cu Merca awor cu Venezuela a hasi trato petrolero cu Iran.

EA News Author

Ciudadano di Aruba na Venezuela disgusta cu e trato cu nan a ricibi di Aruba

EA News Author

1 comment

Visa pa Venezolanonan entrante prome di april - Tur Notisia October 17, 2021 at 3:26 pm

[…] Source link […]

Reply

Leave a Comment