El Ministerio di Vivienda Publico, Planificacion Spacial, Medio Ambiente y Infrastructura (VROMI) a laga hura ocho (8) oficial di BAVPOL awe door di e Minister di Husticia. E gran mayoria di nan ta bini for di e departamento di inspeccion, lo cual ta fortifica e capacidad di e ministerio pa inforsa ley y duna multa.
Na luna di maart, e ocho (8) candidatonan aki a cuminsa cu un training pa haya nan certificacion di BAVPOL. Mientras cu e Ministerio a sigui manda cartanan di aviso, e certificacion adicional aki ta permiti pa e consecuencianan por ta mas inmediato. Den su discurso durante e ceremonia, Minister Gumbs a enfatisa e proposito mas amplio tras di e aplicacion di ley: “Cumplimento cu ley no ta trata solamente di regla of multa. E ta trata di servicio. E ta trata di crea orden, fortifica confiansa, y asegura cu cada persona ta protegi pa ley.” For di e perspectiva di VROMI, e minister a destaca cu, ora cu ley wordu respeta, cayanan ta mas limpi, infraestructura ta protegi, y un desaroyo spacial sano y sostenibel ta garantisa – lo cual ta traduci su mes directamente den barionan y comunidadnan mas fuerte, cu ta e blokenan di construccion pa un Sint Maarten seguro, resiliente y economicamente viabel.
E ocho empleadonan cu a caba di wordu hura awor tin e poder como oficialnan di BAVPOL pa traha proces-verbal (informe hudicial hura) cu por wordu presenta na Ministerio Publico y uza como parti di procedimentonan den corte. Esaki ta un expansion significante di e hermentnan di cumplimento di e ministerio, complementando e trabou andante pa realisa inforsamento administrativo y mihora e prestacion di servicio na e pueblo di Sint Maarten. Minister Gumbs a referi na e vision mas grandi di fortifica e capacidadnan di e Ministerio legalmente y duna nan un comprendemento mas profundo di e leynan, e stipulacionnan y e responsabilidadnan cu a wordu duna na nan.
Minister Gumbs a hici un yamada riba e oficialnan pa ehecuta nan debernan cu profesionalismo y respecto, notando cu cada accion tuma den e spirito ey ta yuda construi un comunidad caminda husticia ta wordu spera, siguridad ta protegi, y dignidad ta wordu mantene. El a encarga nan pa ta “firme, pero husto; fuerte, pero respetuoso; y semper guia pa e proposito di sirbi nos pueblo.”
E ceremonia aki a marca un otro paso den lo cual e minister a describi como e esfuersonan continuo di e Ministerio pa fortifica e capacidad di cumplimento di VROMI y recapacita e ministerio – cu e oficialnan recien hura sirbiendo como e cara publico activo di cumplimento y un garantia di confiansa publico den e trabou di VROMI y di e Gobierno di Sint Maarten den su totalidad.