ORANJESTAD,Aruba
Den cuadro di proyecto RECIP FASE IV
Diabierna 07 di februari ultimo a tuma luga e celebracion di e prome logronan di e proyecto RECIP fase IV. Ta trata di un proyecto di WEB Aruba cu partner principal Wärtsilä Finland Oy hunto cu contratistanan ALBO ARUBA, CVC Construction and Management y Twentse Kabelfabriek TKF. Den cuadro di e proyecto y den e spririto di sostenibilidad, e cinco companianan a haci un donacion total di Awg. 72.500,- na cinco organisacion.
Aruba South League a ricibi un donacion di Awg. 7.500,-. ScubbleBubbles Foundation a ricibi Awg. 10.000,-. Club Kibrahacha 60+ y Go Cultura foudnation Ser’i Noka ambos a ricibi un donacion di Awg. 15.000,-. E di cinco donacion a bay pa Cacique Macuarima School cu un suma di Awg. 25.000,-.
Di e manera aki e proyecto RECIP IV no solamente ta contribui na un produccion sostenibel y bon pa medioambiente, pero tambe na un comunidad sostenibel.
