Terapia holistico (Holistic Therapy) ta un sorto di terapia cu ta enfoca riba un balansa di e curpa, mente y spirito, pues energia conhunto. Den sessionnan di terapia holistico por trata retonan den constelacion di famia of organisacion, haciendo uzo di por ehempel tecnica di masashi of sesionnan di coaching pa trata personanan adulto y mucha.
Sra. Willeke Goedgedrag, kende tin un practica situa na Savaneta, ta organisa un tayer (workshop) dirigi special pa companianan of organisacionnan. A traves di e tayer aki e kier yuda companianan cu retonan of problemanan, pa trece esakinan na claridad. Sea ta problema di comunciacion, liderazgo, benta cu no ta bayendo bon etc. Sra. Goedgedrag ademas a bisa, cu locual cu e ta ripara hopi biaha ta, cu e sentimentonan cu un persona tin cu relacionnan na cas y cu famia, nan ta hiba trabou. Por ehempel, si un hende tin un problema cu autoridad cu su tata, e lo por tin problema cu autoridad di su hefe di trabou tambe.
Durante di un tayera manera esaki, sra. Goedgedrag a splica cu haci uzo di un metodo caminda cu ta laga un persona representa e problema, cual ta hacie mas visibel cual eventualemente por yuda resolve locual ta tuamndo luga. E tayer lo inclui un mescla di participantenan di diferente organisacion hunto y di tambe di diferente posicion.
Esnan interesa pa mas informacion por tuma contacto cu sra. Goedgedrag na 561-7455 of a traves di su website www.willekegoedgedrag.com. E tayer lo tuma luga diahuebs awo 6 di november di 9:00 di mainta pa 12:00 di atardi na ATIA.
