Featured Local

Woman of the Year: Aña 2020 a bira uno excepcional cu lidernan excepcional


Pa decadanan largo, pueblo di Aruba no a conoce un cambio di aña manera esun di e aña aki, caminda mescos cu practicamente henter mundo, pueblo ta na merced di un virus mortal cu a carga e nomber di covid-19.

Un total di 49 morto registra oficialmente aki na Aruba di hendenan cu a fayece pa motibo di e virus peligroso aki pero cu na mes momento a asesina tambe economia di practicamente tur pais rond mundo.

Na luna di Maart di e aña’ki e virus a bati na porta di nos pais, caminda  a rekeri accion di inmediato, pa evita un scenario mucho mas serio di loke nos pueblo a pasa aden.

Negoshinan a cera nan portanan, hotelnan a manda tur hende cas ya cu dor di lockdown den diferente pais, no tabatin hende ta biaha pa pasa vacacion den  otro paisnan cu tambe tabata lucha contra di e pandemia mortal aki.

Miles di hende a wordo manda cas, sin entrada y  tabata momento cu lider di e pais den persona di Prome Minister Evelyn Wever Croes, a asumi su responsabilidad como tal, caminda no solamente a fiha un liña di medida y comportacion pa asina proteha henter pueblo contra di e coronavirus, na mes momento el a hinca un grupo di otro lidernan den otro pa atende y guia pueblo den e tempo dificil aki.

Tur dia Prome Minister tabata den combersacion cu su pueblo, dunando informacion pero mas cu tur cos, dunando guia den temponan dificil pa asina reduci y limita plamamento di  e virus aki den nos comunidad y banda di su persona,  Aruba a haya damanan balente, sobresaliendo den nan funcion, cargando nan responsabilidad den forma ehemplar y aki ta trata di Minister di finansas Xiomara Maduro, Director di Departamento di Malesanan Contagioso Sharline Koolman, prome Comisario di Polis femenino di nos pais, Vanessa Kock, Ronella Tjin Asjoe CEO di ATA cu tin e parti turismo bao di su encargo. Damanan na cabes di funcionnan conhuntamente cu gobierno pa dirigi y saca Aruba padilanti for di e crisis y cada un di nan merece di ta Woman of the year. Un aña sigur cu no ta facil pero  e damanan aki a sa di maneha Aruba cada uno riba nan tereno.

Hunto nan a cera un tremendo ekipo, confrontando situacionnan serio y dificil,pero semper cargando un pueblo cu mester a wordo carga, dunando guia con nos pueblo tin cu comporta nan mes, pa asina nos limita e presion di e pandemia aki.

Sin duda  damanan ehemplar kendenan a demostra tremendo curashi  ora cu pueblo tabatin mester di nan y ora pueblo tabata rabia cu nan, pero cada uno a cumpli na tur momento cu nan deber pa pais Aruba.

Sin duda Prome Minister di Aruba Evelyn Wever croes no tabatatin COVID 19 so como reto, tambe prome minister mester a atende cu situacionnan dificil cu a encontra Aruba aden manera e situacion finansiero unda cu hunto cu minister Xiomara Maduro conhuntamente a para fuerte pa Aruba haya e miho dealnan. Sin duda Prome Minister Evelyn Wever Croes mester a deal cu COVID 19, Reunionnan dificil cu Knops, Situacion dificil na Hulanda,Situacion devastador di refeneria di Aruba,tracion di propio coleganan cu a laga MEP,Tracion di propio coleganan cu a bandona POR, situacion dificil cu sindicatonan, protestanan, situacion di abuso di mucha, Director di DIP no capasita pa e trabao,Situacion di Serlimar y DUMP, tristesa di perdida di famia stima y asina por sigui menciona situacionnan cu un Dama fuerte y husto ta cana e caminda pasando den tur e turbulencianan pa por logra di tin un miho Aruba pa nos tur.

Hopi hende kisas ta mira solamente di pafo kico ta sosode , pero di paden hopi mas ta pasa y e curashi cu mester tin pa tuma desicionnan pa Pais Aruba. Tambe e mandatario prinsipal mester deal cu storianan y insinuacionnan no real paso ta trata di cana e caminda corecto pa Aruba. Meresidamente Prome Minister Evelyn Wever Croes merese di ta WOMAN of THE YEAR.   Prome minister Evelyn Wever Croes ta e prome minister muhe di Aruba, pero tambe e ta e prome , prome minister cu a sinta riba e stoel y traha pa Aruba y cu no tabatatine facil den e momentonan dificil cu Aruba a pasa compara cu e anjanan anterior di gobernacion di Henny Eman, Nelson Oduber  y Mike Eman .   Den momentonan dificil por midi si berdaderamente por goberna un pais.

Na final di e aña historico aki pa henter mundo gerencia di EAnews, como un team di solamente damanan na cabes di un website di noticia cu ta EArubiano news , ta felicita e damanan aki pa nan esfuerso y nan logronan y cu por conta cu hende muhenan cu e conocemento y inteligencia y guia e pueblo di nos pais den un temporada asina dificil

Nos ta apela na pueblo pa un comportacion  pa gran parti hopi disciplina y ta pidi bendicion pa henter pueblo den e aña nobo di 2021.

Bon Aña 2021!

Related posts

Curso “tuma control di bo propio salud sexual” organisa pa JongerenLoket y Famia Planea

EA News Author

Awe 8 di mart 2021 tin 113 kaso aktivo di Covid-19 na Boneiru

EA News Author

Inscripcion a habri pa competencia di Poeta di Patria 2020

EA News Author

Leave a Comment