E modernisacion amplio di e waf ta nifica un fortificacion di Corsou como hub maritimo den Caribe. E inversion di 20 miyon euro cu Corsou ta inverti ta e contribucion cu Hulanda a priminti pa sosten pa negoshi cu ta forma parti di e sosten di emergencia pa corona.
“Bunita cu tur partido concerni por a yega na bon palabracion hunto”, segun Secretario di estado Alexandra van Huffelen di Relacionnan de Reino. “Ta importante pa e economia di Corsou bay depende menos di turismo. E dok sigur ta contribui na esaki.”
“E waf tin un posicion strategico den e cluster maritimo di Corsou, minister Ruisandro Cijntje di Desaroyo Economico ta agrega. “E ta provee alrededor di mil cupo di trabou directo y indirecto y tin un contribucion promedio di 0.6 porshento na e producto bruto interno (bruto binnenlands product) y 4 porshento na e reservanan exterior.”
Espacio pa estudio y entrenamento
Tanto huurdo Damen como CDM Holding, doño di e tereno di waf y e facilidadnan, ta inverti den e waf. CDM Holding por haci uzo di e 20 miyon euro cu Hulanda a pone disponibel pa Corsou. E total di e inversionnan ta principalmente na beneficio di infrastructura di e waf; particularmente e dos doknan cu a coba. “Asina ta garantisa cu den e añanan binidero e waf ta keda un bon ambiente di trabou, cu espacio pa posibilidad di estudio y entrenamento.” Getmar Caldera, CEO di CDM Holding ta splica.
For di februari 2017 Damen ta encarga cu e maneho di e waf quo na 1959 a cuminsa como N.V. Curaçaose Dok Maatschappij. E situacion di, y e prospecto nan di e waf for di 2017 a cambia drasticamente dor di entre otro ceramento di refineria y e terminal di zeta na Corsou, e ‘boycot’ di Venezuela, e consecuencia di corona y e situacion completo den e sector di crudo y gas. E waf a pasa den algun aña financiero decepcionante.
E empresa mama di Damen na Hulanda mes a carga e perdida di e waf di Corsou den prome instante. Dor di e pandemia di corona e empresa mama no por a carga esaki mas y p’esei den zomer di 2020 a bati na porta di gobierno di Corsou y CDM Holding pa sosten. Den herfst di 2020 Conseho di Minister di Reino a bay di acuerdo cu un pakete di sosten mas amplio pa Corsou pa supera e pandemia. Esey tabata incluso un montante di 20 miyon euro pa sosten empresarial individual. Gobierno di Corsou a propone na Hulanda pa CDM Holding y Damen Shiprepair Curaçao bin na remarca pa esaki.
Potensial
Damen Shipyards Group ta kere te ainda den e potencial den e ubicacion di Corsou. Pa desaroya esaki completamente y keda hunga un rol importante pa cupo di trabou na Corsou, tambe pa e posicion di pais como un hub maritimo den Caribe, ta haci e waf mas resistente cu e inversionnan aki. E comienso di e revitalisacion di e waf di barco tabata e reorganisacion di Damen na comienso di e aña aki. “E revision di e portanan di dok B cu Damen a laga ehecuta turesten na juni, ta cuadra den e plan aki y ta mustra e compromiso di nos compania”, segun Peter Luiten, director di Damen Shiprepair di Damen Corsou.
E ‘businessplan’ pa e waf ta konsistí di un direktiva redusí nobo, eksonerashon di e debenan i sufisiente kapital pa futuro serkano. E waf a bin na remarke pa e sosten despues ku un grupo di trabou independiente a konkluí ku e ‘businessplan’ di Damen Shiprepair Curaçao ta sufisiente faktibel.
