Diaranson ultimo, Minister Endy Croes acompaña pa su esposa Dilailah Croes a presencia e celebracion di 90 aniversario di Arubaanse Voetbal Bond (AVB) na Gloria – Movies Dining Entertainment & Play. Un anochi espectacular, unda cu a rindi homenahe na 105 persona cu tin un balor importante den 90 aña di trayectoria di AVB. Minister Endy Croes a duna un discurso y a duna un palabra di felicitacion na AVB cu nan 90 aniversario y na tur deportista cu a traspasa durante e 90 añanan aki di existencia. Riba e anochi aki di celebracion, AVB a presenta e historia di futbol a traves di e pantaya di The Movies na Gloria. E Mandatario di Deporte a entrega den nomber di Gobierno di Aruba un Reconocemento di Gratitud y Aprecio na AVB, pa nan gran contribucion na futbol di Aruba. Minister Endy Croes a compromete cu na aña 2023, e lo renoba Guillermo Prospero Trinidad Stadium, pa asina e futbolistanan tin un luga prometedor pa sigui practica e deporte di mas famoso rond mundo.
