Local

Refineria di Aruba (RDA) a yega finalmente na terminacion di e contrato cu CITGO.

Whatsapp Image 2020 05 02 At 15.54.14 1

ORANJESTAD,Aruba

Aruba por mira esaki como un oportunidad di entrada mei mei di e crisis di Covid-19.

Sr. Reynold Arends a conta cu e logro aki a tuma hopi mas tempo cu nan a anticipa. Un proceso cu a cuminsa cu e prome reunion cu Citgo na april 2019 y awo 1 aña despues finalmente a logra termina e contrato. E tawata un proceso cu a rekeri di hopi trabou. Na comienso tawata trata di un suspension pero despues di hopi evaluacion a conclui y dicidi cu terminacion ta e miho opcion.

Tawata te na fin di februari cu RDA a tuma e facilidad bek pa por garantisa e mercado local cu su fuels, tanto web, airport y consumo local. Awo a yega asina leu cu a firma e terminacion y awo e trabounan mas grandi tin cu cuminsa. Lo mester bay atende cu e tankinan cu a haya y yega na acuerdonan di lease cu clientenan cu ya caba a mustra interes. Despues di esaki lo mester cuminsa atende cu e refineria tambe.

Cu e terminacion aki, Aruba por mira un etapa nobo su dilanti mirando cu e acuerdo aki a drenta na un momento unda cu nos ta pasando den un situacion hopi dificil cu e Covid-19 y esaki ta un oportunidad nobo di entrada pa Aruba.

Related posts

Entrega di Relato Anual 2022 di Raad van Advies na Prome Ministro

EA News Author

Fundacion Telefon pa Hubentud Aruba  ta presenta My Life, My Chance

EA News Author

Minister Dangui Oduber AruBIG ta oficialmente un realidad

EA News Author

Leave a Comment

Whatsapp Message