SocialLocal

Scirbi pa Pastor Marcel Balootje: CRISTO HESUS TA OFRECE YUDANSA ” PROFESIONAL”.

Pastoor Baloontje

Den Mateo capitulo 11 vers 28+29 Hesus ta bisa : Bin serca Mi tur cu ta cansa y carga , y lo Mi duna
boso sosiego. Tuma Mi yugo riba boso, y siña di Mi, pasobra mi ta manso y humilde di curazon.
Marco capitulo 5 vers 25 ta conta nos di un muher cu tabata sufri pa 12 aña largo di un derame di
sanger y cu a gasta tur placa na dokter sin cu e a wordo yuda. E muher a tende di Hesus e a aserce
den e multitud , pasobra e a bisa si mi djis mishi cu su paña lo mi bira bon y mesora su derame di
sanger a stop. E muher a kere y a mishi y a haña yudansa profesional (milagroso) di Hesus .E muher
aki pa motibo di su situacion delicado e no por a consulta cu hende, pa haña opinion si e mester bay
serca Hesus of no.
Den Marco capitulo 9 vers 21 en adelante un tata tin un lucha cu un yiu homber endemonia , y Hesus
a puntra cuanto tempo e tin ta sufri asina, e tata a bisa cu for di tempo e tabata mucha, y e tata a bisa
Hesus : Ma si bo por tene compasion cu nos y yuda nos . Hesus a bise si bo por! Tur cos ta posibel pa
esun cu ta kere.
E yudansa di Hesus, ta exelente, extraordinario, exitoso,milagroso, mas cu profesional, pasobra e ta
bini directamente for di ariba, y no tin nada pa stroba Su yudansa di yega serca esun cu ta kere.
Hesus a bisa Martha, Martha si bo kere lo bo mira e gloria di Dios, nan a bisa Hesus cu Lazaro tin 4
dia morto caba y e ta hole, Hesus a lanta lazaro for di morto. Awendia tin hopi situacion den bida di
hende cu ta hole.
Rebeldia y inmoralidad cu ta hole.
Situacion di adiccion cu ta hole.
Problema matrimonial cu ta hole.
Depresion cu ta hole.
Problema familiar cu ta hole.
Problema social cu ta hole.
Necesidad grandi cu ta hole.
Pero nos tin un Dios cu ta GRANDI pa atende tur asunto pa nos, pero e ta exigi Fe di nos parti,
confiansa, obedencia na su palabra, pasobra ora esey nan wordo demostra e milager lo alcansa nos
bida.
Tur hende cu tin mester di yudansa mester ta conciente cu nan tin mester di yudansa, e diabel hopi
biaha ta gaña nan pa haci manera nan ta bon,pa nan gaña nan mes y asina rechasa e ayudo cu ta bini
di Dios.
Mundo tin hopi opcion, pero si di berdad bo kier un solucion, bo unico opcion ta di entrega
completamente na Hesus ( No sea Bofonado) pasobra asina so bo mente por wordo renoba, (
Romanonan 12 :2) maske cuanto hende kier yuda bo , si bo mes no arepenti bo ta bira yoyo di diabel,
te ora bo reconoce cu bo mester di Dios.
Si un persona cu kier yuda otro, y e mes no ta hancra den Cristo, ta dificil pa e por splica cu Cristo
por yuda , su ayudo ta superficial, teoretico, religioso, simplemente un deseo , y nada di Fe, pasobra
sin Fe ta imposibel agrada Dios.

Un persona cu kier ayudo di Cristo, mester reconoce cu Hesus Cristo ta Señor, esey ta e base pa tur
ayudo bira realidad, bo no por ignora Su poder, y spera Su yudansa.

Related posts

Departamento di Impuesto ta cera dialuna awor en conexion cu un dia colectivo di ATV

EA News Author

Prome Minister Evelyn Wever Croes orguyoso di tur mucha cu a participa na proyecto Leerorkest

EA News Author

For di 2019 Metabolic Foundation ta colecciona data di naturalesa

EA News Author

Leave a Comment

Whatsapp Message