Resientemente direktorado di Supervishon i Mantenshon di Lei a organisá un kapasitashon básiko di sinku dia pa 34 supervisor. Meta di e kapasitashon tabata pa fortifiká nan abilidatnan práktiko, nan desaroyo personal i nan resiliensia profeshonal.
“Ku e kapasitashon akí nos ta invertí den nos hendenan i den kalidat di nos supervishon,” segun direktorado di Supervishon i Mantenshon di Lei. “Diariamente nos supervisornan ta traha den situashonnan ku tin ora ta kompleho i desafiante. Pa e motibu akí bon abilidat di kòmbersashon, konosementu di regla i un resiliensia sólido ta hopi importante.”
Durante e kapasitashon e partisipantenan a siña kon nan por komuniká efektivamente, traha na un manera seif i anda mas mihó ku situashonnan fastioso. Tambe nan a hasi ehersisio ku diferente téknika di kòmbersashon, kolaborashon i reflekshon riba nan propio aktuashon.
E kapsitashon básiko ta forma parti di maneho di direktorado di Supervishon i Mantenshon di Lei pa mehorá kalidat di e supervishon i mantenshon di lei. Pa medio di invertí den konosementu i abilidat, e organisashon ta sòru pa e supervisornan por ehersé nan trabou na un manera kuidadoso, seif i profeshonal na servisio di komunidat.
Press release: Gobièrnu di Boneiru