St. Maarten a wordo nombra Caribbean Destination of the Year na e 12di edicion di Caribbean Travel Awards, reafirmando e destino como uno di e hubnan turistico mas dinamico y exitoso den e region. Ademas, Grisha Heyliger-Marten a gana e titulo di Caribbean Tourism Minister of the Year, mientras Princess Juliana International Airport a logra e titulo di Caribbean Airport of the Year pa e segundo aña consecutivo.
E Caribbean Travel Awards, cu a cuminsa den 2014, ta considera como e midi mas significante di excelencia den bishita y turismo na e region. E nombernan ta selecciona y nombra pa e editor di Caribbean Journal, cu ta expertonan lider di turismo den Caribe. E awardnan di 2026 ta inclui 41 categoria cu ta reconoce e destino nan, experencianan, y hende cu ta duna forma na futuro di turismo den Caribe.
E awardnan di aki ta bin na un momento cu turismo den Caribe ta sigui subi, cu mas cu 35 miyon di bishitante cu ta keda un anochi ta spera den e region pa 2025, hunto cu un adicional di 38 miyon di pasaheronan di crucero. Entre e destino nan cu ta sobresalí den e region, St. Maarten a demostra su crecemento excepcional, facilidad di acceso, y un producto turistico divers.
Na momento cu St. Maarten a wordo nombra Caribbean Destination of the Year, e editores di Caribbean Journal a destaca e destino pa su scene culinario di nivel mundial, boom den transportacion aereo, hotelnan rico y divers, y su identidad unico como dos paisnan cu ta compone un isla extraordinario. Como un Puerto grandi y un piedra clave di e Caribe parti noord, St. Maarten ta sigui logra nivel nobo den bishita di turista y reconocimento mundial.
Ministro di Turismo Grisha Heyliger-Marten, cu a tuma oficio den 2024, a wordo reconoci pa su liderato den stimulacion di resurgensia turistico di e destino y pa reposiciona St. Maarten como un yurado principal den turismo di Caribe.
“E reconocimento aki ta significa hopi pa St Maarten pa motibo cu e ta refleha mas cu un solo logro, e ta afirma e esfuerso colectivo, disciplina, y vision comparti di nos sectornan turistico,” Ministro Grisha Heyliger-Marten a duan di conoce.
“Ser nombra Caribbean Destination of the Year, hunto cu e reconocimento pa airport y liderato turistico, ta mustra cu ora nos planifica cu intencion, inverti strategicamente, y traha hunto, resultado real ta sigui. E momento aki ta pa nos hende, nos trahadornan di frontlinie den turismo, nos partnernan publico -privá, y tur stakeholder cu ta compromete cu construi un economia turistico cu ta resiliente, inclusivo, y diseña pa dura mas cu un solo ciclo.”
Pa reforsa ainda mas exito di e destino, Princess Juliana International Airport a wordo nombra Caribbean Airport of the Year, reconoci pa su terminalnan modernisa y su rol cu ta crece como un di e hubnan aereo mas importante den Caribe.
Hunto, e tres awardnan prestigioso aki ta describi status di St. Maarten como un destino lider den Caribe, defini pa conectividad , cultura, excelencia culinario, hospitalidad.