Un berdad nunca no ta perhudica ningun hende , pero e situacion di ilegalidad na Aruba a cana varios aña riba tur e mal decisionnan cu gobiernonan di Aruba a tuma riba henter e organo di DIMAS y , GNC y ilegalidadnan na Aruba.
Falta gobernantenan cu BALA pa para pa PAIS ARUBA pa Arubianonan y e stranheronan legal cu ta ya caba a tuma Aruba como nan cas y ta cana e caminda corecto. Un maneho di desaster riba emigrantenan na Aruba pa añanan largo y un Aruba putri sin direccion pa maneho di ilegal y stranhero na Aruba y cu bendicion di hopi politiconan y instancianan cu awe Aruba ta putri di stranheronan cu no ta aporta na Aruba.
Pero si ta traha tur caminda pa e mes un comercio cu ta opta di no duna legalnan y arubiano nan trabaou. E situacion aki mester stop y leynan drechi mester cuminsa keda ehecuta. Pa stranhero y pa comerio tambe ! No por ta asina cu ta haya AZV gratis, Scol gratis, y no ta paga un PUNTA di belsating , pero ora nos Arubianonan mester un cupo na scol NO TIN , of kier bay dobel check nan salud afo NO POR y un ILEGAL si POR e situacion na Aruba aki ta INACEPTABEL, ta basta.
Den e siguiente dianan EAnews lo bin ta splica paso pa paso e sinberguenseria nan cu a y ta tuma luga pa añanan door di stranheronan cu ta trapa riba leynan di Aruba, cu bendicion di politiconan sin cu ta move un dede pa soluciona e CAOS, pero tambe politiconan mas sinberguensa ainda pa NO drecha y regla e asunto aki pa Aruba. Sinembargo awe EAnews kier para keto un rato dilanti di un echo pa yuda un hoben haya su salud den exterior. Aruba ban apoya e hoben aki haya su salud den exterior.
E fundacion GLW foundation pa aña 2025 lo sigui yuda mucha y hobenan cu tin problema cu nan salud y cu no ta haya ayudo di AZV. Esaki lo wordo dedica na un hoben special di 15 aña yama Richeline.
Richeline ta un hoben special cu autismo y durante e ultimo añanan aki a cuminsa sinti diferente sintomanan cu ainda dokternan mes ta purba saca afo kico e tin precies y den e caso aki su sra. Mama ta buscando e forma pa asina por biaha cune den exterior pa check un Segundo opinion kico por ta e causa di malestarnan di su yui. Segun e mama ta conta nos cu e color di cuero di e hoben ta cambia, e ta bai flauw constant, y ta pensa tambe cu e lo a haña un atake cu ta haci cu e ta debil constantemente y ta drumi masha hopi mes, siendo cu Richeline tabata un mucha hopi activo yena di energia awor hasta den un rolstoel e ta mobilisa de vez en cuando paso e no tin forsa den su pianan. Abo tambe por ta parti di e yudansa aki pa Richeline door di cumpra Cupcake di Speransa 2025. E minimo di order ta 1 dozijn ( 12 Cupcake ) pa 60 florin y bo mag di bestel cuanto cu ta desea. Un bon opcion pa amigonan comerciante cumpra pa nan empleadonan y clientenan y tambe den famia por haci esaki. Lo parti e Cupcakenan dianan 13 y 14 February y lo entrega esakinan na cas of trabou. Pa bestelling por manda un Whattsapp 561-61-51 serca George y bestel esun dibo, por paga cash dia di deliver y tambe por paga via online tambe cuenta ta Aruba Bank y
e cuenta ta 600-648-0190 tambe si ta desea di por contribui cu algo monetario por haci esaki. GLW Foundation ta contento di por sigui aporta cu boso ayudo pa un otro hoben por sigui check su salud den exterior. Aruba ban uni un biaha mas pa asina nos por yuda un
hoben pa busca su salud. Ban celebra e Dia di San Valentino aki comiendo un dushi bolo y demostra bo amor y Amistad na un otro persona, Order esun dibo awor mes 561-61-51.