Geo polítika ta importante pa direkshon ku mundu ta bai.
Tur hende ta nota ku mundu ta turbulento ku hopi foko di problema, violensia i guera. Tantu na Europa, Amerika norte i sur, Sentro Amerika, Caribe, Azia, Medio Oriente, Afrika, Australia tin hostilidat. Polítika internashonal ta toka tur kontinente i tur pais. Rikesanan ku tin den supsuela i laman di paisnan spesialmente esnan na Afrika, Azia, Medio Oriente i Sur Amerika ta influensiá polítika i maneho ekonómiko. Pero faktornan manera labor barata i un merkado kumpradó imenso ku sierto region tin, tambe ta e foko prinsipal ku ta influensiá polítika internashonal di paisnan “riku” na mundu. Faktornan geográfiko manera klima, ubikashon geográfiko, rikesa mineral, labor barata èts, ta influensiá polítika internashonal di paisnan riku. Nos ta papia di geo polítika
Mirando e situashon aktual di mundu den dékada 20 di siglo 21 Movementu Kousa Promé ta lansa un siklo nobo geo polítika, organisá pa su ala di formashon emansipatorio Akademia Popular Errol Scoop.
E siklo aki tin komo meta pa kada partisipante haña konosementu di kiko ta geopolítika, komprondé orígen i kontenido di e fokonan di konflikto i gueranan ku tin na Mundu i influensia ku tur e fokonan aki tin riba ekonomia di mundu i ekonomia di Kòrsou. Ta importante tambe pa komprondé e ròl ku Kòrsou tin den tur e desaroyonan aki i e ròl ku Hulanda ta hunga den geopolítika mundial.
Tin un total di 12 lès kuminsando dia 25 di ougùstes pa 17 di novèmber 2025. E ultimo anochi di lès tin un pènel. Tur lès ta tuma lugá riba djaluna na Sentro di Bario St. Maria i ta kuminsá eksaktamente 18:30 i kaba 21:00.
Dia 17 di novèmber ta klousurá e siklo ku un programa spesial i entrega di sertifikado na kursistanan ku a kumpli ku e porsentahe di asistensia.
Tur hende for di edat di 16 aña por inskribí pa e lèsnan sin niun distingshon di grado di edukashon.
Pa partisipá na e siklo por registrá via di telefòn 667.21.78 (Indira) òf 512.62.16 (Roderick). Por partisipá den sala òf “online”.
Dia 18 di ougùstes tur hende ku a registrá por pasa na Sentro di bario St. Maria di 18:30 pa 21:00 pa yena un formulario di registrashon digital òf riba papel, paga gastu di inskripshon ku ta 40 florin Karibense i risibí material di lès. E LÈSNAN MES TA GRÁTIS. E temanan ku ta trata den e siklo aki ta
Movementu Kousa Promé ta invitá pueblo di Kòrsou en general pa inskribí pa e siklo aki pasó UN PUEBLO INFORMÁ TA UN PUEBLO KU DEFENSA
