Featured Curacao

Defensa ta hasi ehersisio pa sosten na momentu di emergensia huntu ku sosionan di seguridat na Islanan Ariba


Defensa ta tene entre 15 di sèptèmber te ku 27 di sèptèmber  un ehersisio di yudansa di emergensia den kaso di un orkan riba Islanan Ariba. Den esaki tin ehersisionan  tambe huntu ku diferente sosio di seguridat riba e islanan.  Defensa ta trein esaki ya asina e Militarnan por keda desplegá rápidamente i ku efikasia na momento di un menasa real di orkan.

Despues di e transferensha den direkshon di Sint Maarten, Saba i Sint Eustatius, lo tuma lugá aktividatnan chikitu, repartí riba e diferente islanan. E unidatnan lo hasi uso di nan estadia tambe pa sera mihó konosí ku tur tres isla i e sosionan relevante establesé einan, tal manera organisashonnan gubernamental, organisashonnan no-gubernamental i empresanan ku ta desempeñá un papel importante den yudansa di emergensia. 

Mayoria parti di e Militarnan ya kaba ta presente den Region Karibe i ta konsistí entre otro di unidatnan di Forsanan di Eskuadron di Marina  Carib (Aruba), e barku di Marina Zr.Ms. Pelikaan, Botonan FRISC, i algun otro unidat di apoyo tantu di e flota komo di infanteria di Marina. 

Ademas tin presente na Sint Maarten permanentemente un destakamentu di Marinir. Dor di trein na Islanan Ariba, na momentu di un menasa real di orkan ta posibel pa direktamente despues ku esaki pasa, por bai over na brinda yudansa di emergensia i salba  hendenan den peliger. Tambe den un situashon asina e Militarnan por sostené outoridatnan sivil i aportá naórden i siguridat públiko.

Related posts

Programa “Mi Mes Un Heroe “ a keda lansa oficialmente

EA News Author

Parlamentario drs. Shailiny Tromp-Lee (MEP): Nos instructornan di landamento porfin a mira adelanto

EA News Author

Post Aruba NV hunto cu nan abogado David Kock a duna informacion pa cu e caso internacional cu nan a lanta

EA News Author

Leave a Comment