Famianan Bergen-Tromp , amigonan y nos bunita y bon bisinja e semper elegante y bunita sra. Yolanda Winklaar a bini hunto Dialuna anochi dia 12 di September den Veranda Shon Johan, pa a celebra un celebracion dobbel. Lucas Jr., yui, a cumpli 60 anja di bida mientras cu dia 18 di Oktober 2022 ,Lucas Sr.,tata, lo cumpli 90 anja di bida.
Despues di un reunion familiar, a opta pa a hinka e dos celebracionnan aki hunto den un solo celebracion y esey a tuma lugar Dialuna dia 12 di September 2022 ultimo den oranan di anochi. E bunita curason di e fiesta, lieve mooie Valerie, a percura cu su team, decora Veranda Shon Johan cu e tema di futbol, cu ta e deporte favorito di Papa y Lucky. Tawata mitar colornan di RCA y mitar colornan di Dakota tur dia. Danki lieve Valerie y Setty, pa un bunita trabao di decoracion! Danki na Jenny y demas den e team, pa e super dushi snacknan, bolo etc. prepara cu hopi amor y carino ! Cu Bon Dios sigui multiplica boso cada un cu a yuda, aunke mi no por corda tur e nombernan, cu Bon Dios sigui bendiciona cada un di boso cu salud, amor,alegria y sabiduria ! Danki pa boso atencion y amor. Danki pa a bin celebra cu nos. Cu un danki tambe na e team di waiters sra. Consuelo, Mavrick y Mathew. Tremendo team !!! Traha cu amor !!
Tur presente a goza di un dushi anochi cu musica y canto di Mariachi Perla di Aruba, cu entre otro nan gigante tremendo cantante Mario Alberto Kelly Jr. y DJ Franklin cu a toca e cancionnan di mas dushi y hasta algun presente a dicidi di los e heupnan y pianan un crenchi ariba e pista di baile. Lucas Jr. a canta algun bunita cancion cu Mariachi Perla di Aruba y cu e musica di DJ , cu a cay na agrado di e publico presente. Hasta Lady Ruth a tribi canta su cancion favorito di Ranchera “No volvere” cu acompanjamento musical di Mariachi Perla di Aruba y despues a recita un bunita poema pa Lucas y Lucas.
Famianan Bergen-Tromp, ta gradici un y tur cu a yuda realisa e gran y bunita anochi aki, danki na Ronald y Mirla Bergen , danki na mi querido esposo Johan Vrieswijk, y specialmente danki na e fotografonan Jhon Freddy Tobon Montoya y Roland Jansen, kendenan a hasi Lady Ruth un fabor grandi pa yuda documenta e fecha historico aki pa e celebracion di 60-90. Di curason masha masha masha danki na e dos caballeronan gentil, guapo y talentoso aki y specialmlente Jhon Freddy, kende su di 53 cumpleanos tawata pa su mayan, esta, Diamars dia 13 di September 2022. Happy and blessed Birthday lieve Jhon Freddy ! Bo ta un dushi hende cu un curason, mente y alma super bunita semper ilumina cu e bunita lus ! Hopi bendicion pa nos 3 cumpleaneronan y cu Bon Dios sigui drama su bendicion di salud, amor, gozo, alegria, creatividad y sabiduria riba Papa Lucas, Lucas yui y nos bon amigo Jhon Freddy. Cu un danki dushi diki gordo tambe pa e yui prinses di Lucas Jr. Queeny y Chris pa e bunita lusnan di” elite”.
Mi palo di calbas y mi palma di coco a luci asina bunita den e banjo di e colornan alegre geel blauw y cora. Berdad tokenan special asina ta hasi bo lugar y fiesta mas “gezellig” mas “cozy”.
Ki bunita tawata e momento ora Beautiful Queeny a pone su yui homber, e bisa nieto di mas chikito di famia, Kae, den scochi y brasa di Payo cu Mayo, Lucas y Mercedes. Na momento cu Lady Ruth ta trahando riba e relato aki, e tambe a ricibi e noticia, cu nos gran amigo musico guitarista, e talentoso Etty Toppenberg a bay sosega den brasa di su Creador di Amor. Un artista cu tawata sa cu e lo wordo yama pa bay , cu a bishita su amigonan di bao palo den Dakota, manda treat un rondjie, despedi di nan, y cu a bay despedi tambe di entre otro nos bon amigo Benjie Pick di La Moderna, cu a perde su bon amigo Etty cu tawata drenta toca guitarra y canta pe riba dia di su cumpleanos. Aruba ta bisa ayo y te despues na un gran musico artista, un bon maestro di scol tempo di su tempo, na un gran yui di tera cu a stima Aruba y su hendenan. Un artista campeon.
Cu Etty sigui habri halanan den e reino celestial y inspira for di ariba, su bunita sra.esposa Corma y demas famianan Toppenberg y Vroeg-in-de-wei. Awor Etty mas serca di mente,alma y curason.
Condolencia, consuelo y amor na tur cu a stima Etty Toppenberg. Danki shonnan pa lesa nos relato y pasa un bon dia yen di sabiduria den nos alegria cu ta sigui cana man den man cu tristeza.
Stay safe lieve mensen y un “bearhug” pa boso tur ! Love you too !
