Local

Casonan di coronavirus a bira ocho


ORANJESTAD,Aruba

Den e di dos conferencia di prensa di Gobierno riba diasabra Prome Minister Evelyn Wever Croes a anuncia cu Aruba a haya tres caso nobo pa haci e total na 8 caso. Tur ta hendenan local.
Un di nan a bin di New York, e di dos a bini di Miami y e di tres ta den duda ainda y ta pensa cu e ta un transmission local.
Mesora a cuminsa cu e proceso pa “trace back” e contacto cu e personanan aki y pone nan cuarentena. A spera e aumento aki, ya cu a cuminsa haci mas test pa dia. Awo por haci 100 test pa dia. “Nos ta un pais chikito, y a tuma medidanan hopi drastico pa contene esaki.
Te awe mainta tabatin 648 persona den cuarentena di cual 65 tabatin contacto cu esnan cu a test positivo, y e resto a bini di pais unda tin hendenan cu coronavirus. Tin 583 persona cu a bini di exterior, sea cu tabata cu vakantie of di tratamento. El a pidi tur hende cu mira un di e personanan cu a bini di afo riba caya, hala nan atencion.

Related posts

Su Excelencia Alfonso Boekhoudt, a ricibi Señor Ernst Noorman (Embahador di Reino na Bogota, Colombia)

EA News Author

Dokter di cas Dr. Aruna Tewarie ta entrega 100 tas na Minister Glenbert Croes pa yuda muchanan den nesesidad

EA News Author

Prome minister evelyn wever – croes: A firma letter of intent (loi) entre refineria di aruba (rda), quanten consortium y eagle lng

EA News Author

Leave a Comment