A expresa e necesidadnan di Universidad di Aruba na Minister Hulandes di Educacion, Cultura y Sciencia.
Dr. Dijkgraaf ta sigura sosten pa mehora oportunidadnan pa e studiantenan y e academia.
Tanto mas cooperacion y mas intercambio di informacion como crea e plataforma pa posibilita mobilidad academico y profesional dentro di Reino Hulandes, tabata e peticionnan cu a wordo presenta na e Minister di Educacion, Cultura y Sciencia di Hulanda, dr. Robbert Dijkgraaf durante su reciente bishita na univerisdad di Aruba.
Minister di Enducaion y Deporte Sr. Endy Croes y miembro di Colegio di Supervision di universdad Sr. Angelo Brete a yama Minister Dijkgraaf bonbini. Rector di Universidad di Aruba, prof. dr. Viola Heutger a duna un tour rond di e edificio y a yama e dignitario oficialmente bonbini durante e presentacion den aula. Dr. Heuger a bisa den su speech cu hopi no sa cu investigacion na Aruba ta data for di siglo 17 cu e estudio di colibri. Notando e importancia di e estudio colaborativo aki den cua a keda determina cu Aruba tabata cas pa e especie mas chikito di colibri, dr. Heutger a enfatisa e balor di investigacion pa desaroyo di universidad, su academico-, studiantenan y comunidad di Aruba den su totalidad. Pa investigacion florece sin embargo, colaboracion ta esencial manera tabata e caso den e estudio di colibri.
Mr. Dr. Ruth Bonnevalle-Kok, decano di Facultad di Ley, a guia presentacion di e decanonan riba e status di nan facultad-, inscripcion-, exito- y retonan. E programa acredita di Facultad di Ley ta produci hopi storia di exito y oportunidad. Sinembargo, e graduadonan ainda no tin acceso na e asina ayama ‘Civil Effect’, pa por forma parti di e Colegio di Abogado di Hulanda, e organisacion profesional di abogado (mi a cambia esaki, pasobra e frase na Ingles ta poco straño), es decir no tin e posibilidad pa traha den cierto tereno legal na Hulanda. Minister Dijkgraaf a aborda e inquietud aki y a bisa cu e proceso ta andando y unabes cu e wordo adapta, lo nifica mas mobilidad dentro di Reinado pa e Masternan di ley Rubiano.
Mr. Paul Vandormael di Facultad di Economia y Finansa, FEF, a ilustra e balor di e facultad no solamente den comunidad di Aruba, pero tambe pa e continuo desaroyo di e graduadonan, tanto na Hulanda como na otro parti. Cu e actual esfuersonan pa recupera acreditacion, FEF y Aruba lo beneficia mas cu intercambio di programa y material di estudio cu universidadnan Hulandes y reconocimento di e diplomanan.
Facultad di Estudio di Hospitalidad, Turismo Manaho, FHTMS, tambe ta satisface demanda di un sector di turismo robusto. Decano Sue-Ann Lee a indica cu e acreditacion Mericano y colaboracion cu University di South Carolina ta demostra e caracter hibrido di e institucion. El a enfoca tambe riba e capacidad (financiero limita) na Aruba pa haci investigacion continuo , particularmente pasobra turismo por duna un cantidad grandi di informacion riba un escala global.
Mientras graduadonan di Universidad di Aruba ta termina cu carera, tanto na Aruba como den exterior, e oportunidad di amplia nan capacidad intelectual ta parti di e mobilidad di Reino.
Decano di facultad di Sciencia dr. Mieke Droog, a subraya e necesidad di un programa pa financia y facilita entre otro e oportunidad pa studiantenan Rubiano participa na intercambio di programa academico.
Oficina di Asuntonan Internacional a mustra riba e impacto positivo di e programanan di intercambio existente, door di entre otro e Erasmus+programa y e minister a ricibi testimonio di participantenan na e Academic Foundation Year cu su crecemento continuo, cu ta posibilita e graduadonan di scol secundario pa ta miho prepara y informa prome cu nan continua cu nan educacion avansa.
Na final di e presentacion, Minister Dijkgraaf a expresa su compromiso pa cumpli cu e peticionnan y a sigura cu ya pasonan ta wordo tuma pa hisa colaboracion y mobilidad dentro di Reinado. Dijkgraaf a splica tambe e intencion di Gobierno Hulandes pa pidi disculpa pa nan participacion na sclavitud na e Islanan Caribe y con e reparacionan proponi ta dirihi riba mehora comprension y conocemento.
