Featured Politica

Minister Ursell Arends mester para personalmente responsabel: Ta haciendo tur intento pa caba cu Serlimar


Ta haciendo tur intento pa caba cu Serlimar. Esaki ta loke e trahadonan ta sinti cu ta pasando pero nan no por bisa nada otro cu haci denuncianan anonimo pa evita cu represalia ta wordo tuma cu nan. Awo nan mester simplemente sinta mira con ta haciendo tur sorto di cos cu nan no por conclui otro ta intentonan pa caba cu Serlimar, desangra e departamento aki manera cu Booshi Wever a yega di bisa.
E empleadonan ta papia di un plan maligno pasobra ta haci varios acto di forma scondi pa no por tira culpa riba e minister encarga. Tin ordonan ta yega, supuestamente for di Bestuurskantoor, via cartanan riba cual no tin logo di Gobierno pero si ta bisa cu mester ehecuta loke ta para den e carta.

Asina por ehempel ta bini ordo pa stop di duna servicio na cliente. Esaki tabata crea un entrada pa Serlimar, pero e ordo ta pa no haci esaki mas. Y asina tin mas trabou of servicionan cu tabata wordo duna a cambio di pago y ta bira para esakinan. E consecuencianan ta cu SERLIMAR ta keda perde di gana y mas e ta bay atras y mas cerca e ta yega di e punto di bay den bancarota. Pero ken ta crea tur esaki y dicon, kico tin su tras pa caba cu serlimar di e manera aki ?
SERLIMAR a surgi como un departamento pa tuma na su encargo e maneho di desperdicio di e pais. Awo ta parce cu esaki tambe kier bay hinca den man di comercio (comerciante). Un comerciante no ta pensa riba pueblo pero e maneho di sushi ta bira un negoshi p’e. Ademas, pakico vota pa eligi un Parlamento cu mester scoge e Ministernan. Si privatisa departamentonan di Gobierno, ta ki servicio e ministernan ta bay maneho. Privatisando e departamento of servicionan ta bay haya un pais unda comercio ta maneha e pais, comercio tin e poder den su man riba pueblo. Un Gobierno lo no tin nada mas di bisa pero comercio ta dicidi.
Cada servicio cu wordo hinca den man di comercio, Gobierno no por bini cu un maneho mas riba structura di prijs of tarifa. Mira con a pone waf caba den mannan priva y e proximo, manera anuncia den Parlamento, lo ta RWZI. Maneho den forma comercial di RWZI ta trece cu ne su prijskaartje. Tur esaki lo no haci Aruba mas barata pero mas caro pasobra Aruba ta simplemente bira un negoshi.

Related posts

Secretaria di Estado Alexandra van Huffelen ta duna espacio pa elimina 12.5% di reduccion di salario.

EA News Author

Doño di cas ta yama polis pa grupo di hoben cu a haci vandalismo na su cas

EA News Author

Parlamentarionan a bati man pa Minister Sinembargo awe Serlimar den estado di likides Parlamentario Benny Sevinger

EA News Author

Leave a Comment