WEB Aruba NV, hunto cu Departamento di Agricultura, Cria y Pesca (Santa Rosa), a anuncia e ganado durante un ceremonia special.
Ganado di e dies tankinan di awa di 1000L ta conoci, e cliente cu a participa den e tombola realisa durante e mercadonan di principio di maart, a bira conoci awe, 31 di maart 2026. A anuncia e premio oficialmente den presencia di representantenan di WEB Aruba NV y Departamento di Agricultura, Cria y Pesca, Santa Rosa.
Durante e ceremonia, srta. Mary-Anne Everon (Secretarieel Adm. Medewerker Waterdistributie y Customer Service) y sr. Efraim Rafael (Hoofd Customer Service), hunto cu srta. Carola Geerman, sr. Anthony Matos y sr. Humphrey Croes di Santa Rosa, a saca e ticket ganador. E feliz ganador ta sr. Sigmund Werleman, un agricultor di Savaneta cu ta cultiva diferente fruta y berdura, incluyendo boonchi, comcomber y yambo.
Despues di e ceremonia, e organisadonan a logra tuma contacto cu sr. Werleman, kende a mustra hopi contento y agradecido na WEB Aruba NV y Santa Rosa. E tankinan di awa lo wordo entrega directamente na su tereno of cas, pa yud’e sigui desaroya su productonan fresco local pa pueblo di Aruba y contribui cu e Sector Primario.
Pabien na sr. Sigmund Werleman cu su premio bon mereci!