Local

Comerciantenan ta cordialmente invita pa asisti na un sesion informativo tocante e online portal “BO impuesto” dia 23 y 24 di januari proximo

Aaa 3

ORANJESTAD,Aruba

Haci reservacion via boi@impuesto.aw pa sigura luga

‘BO impuesto’ (BOi) ta e portal online cu Departamento di Impuesto a lansa na december ultimo. Via ‘BO impuesto’ e comerciantenan por haci declaracion mensual di impuesto manera loonbelasting y prima di AOV/AWW y AZV, BBO/BAVP/BAZV, toeristenheffing, speelvergunningsrecht, bijzondere belasting verblijf (BBV) y/of bijzondere belasting verhuurauto’s en verhuurmotorfietsen (BBVAM).
Haci declaracion online ta algo nobo y ta hopi importante pa e comerciantenan ta na altura di e sistema nobo aki. Pesey Departamento di Impuesto ta organisando 2 sesion informativo dia 23 y 24 di januari proximo, cualnan lo tuma lugar na oficina principal na Camacuri. E orario ta lo siguiente:
23 di januari 2020 2:00 – 4:00 pm
24 di januari 2020 9:00 – 11:00 am

Por scoge un di e fechanan menciona y haci reservacion via mail: boi@impuesto.aw. Debi cu cupo ta limita, lo acepta maximo 2 persona pa cada reservacion.
E invitacion ta valido pa tur comerciante inclui entre otro taxista, chauffeur di autobus, estilista, compositor, areglista, mecanico, esnan cu tin un minimarket of ta un consehero fiscal. Esaki ta un oportunidad cu e comerciantenan no por perde. Durante e sesion por haci pregunta tambe relaciona cu e portal ‘BO impuesto’.

Related posts

Minister Ursell Arends: Bateria di auto y azeta di motor por wordo recicla

EA News Author

Sabiduria den nos alegria: Ruthy”Lady Ruth” Vrieswijk-Bergen

EA News Author

Donacion di Tikkun Olam organisa pa Salamander Group

EA News Author

Leave a Comment

Whatsapp Message