Local

Bo soño pa studia na Estados Unidos ta cuminsa aki!

Banner Fb 1 En

Por medio di un feria educativo virtual completamente gratis, studiante y profesionalnan na Aruba tambe lo tin acceso na oportunidadnan pa enseñansa avansa na Merca.

EducationUSA den colaboracion cu Departamento di Estado y Embahada di Merca ta invita studiante di enseñansa secundario y universitario como tambe profesionalnan di diferente area di trabou pa participa na e tercer edicion di EducationUSA Virtual Fair. E feria virtual ta un evento gratis unda lo ricibi informacion for di 80 diferente institutonan di enseñansa avansa (Colleges y Universities) na Merca. 

Den un ambiente completamente virtual, participantenan ta ricibi acceso na varios espacio unda lo brinda diferente tipo di informacion. Por ehempel, na e Auditiorium por encontra sesionnan en bibo ‘live sessions’ y esnan a base di peticion ‘on-demand’ riba topiconan di relevancia pa cada participante. Na e Exhibit Hall, lo tin standnan virtual di e diferente institucionnanunda cu e studiante por chat cu representante di cada organisacion y tambe cu conseheronan di EducationUSA. Banda di e aspecto educativo, lo tin espacionan interactivo manera un Photobooth y un Leaderboard unda cu pa diferente actividadnan riba e Fair Platform participantenan ta ricibi punto.

E evento online pa nos region ta tuma lugar diaranson, 24 augustus di 4:00 p.m pa 7:00 p.m

Durante e feria virtual participantenan lo ricibi tur informacion corecto, comprensivo y actual tocante e proceso di aplicacion, rekisitonan y sosten financiero pa studia na Merca. Por registra pa e feria na e siguiente link: bit.ly/EDUSAFair 

EducationUSA ta un red di e Departamento di Estado di Merca. E red ta consisti di mas cu 430 centro y nan ta estableci na mas cu 175 pais y teritorio globalmente. E centronan ta brinda informacion y conseho pa studiantenan cu ta biba pafo di Estados Unidos. EducationUSA ta promove enseñansa avansa na Merca na studiantenan den exterior, incluyendo Aruba, door di brinda informacion corecto, comprensivo y actual tocante oportunidadnan existente pa studia na institucionnan universitario acredita na Estados Unidos.

Basic Post 8 Eng

Related posts

Leonardo Figaroa partido direccion politiea (PDP): Politico Mike Eman y Evelyn wever croes ta politiconan populista

EA News Author

Aruba tin un total di 510 caso activo

EA News Author

Minister Maduro a hiba palabra na apertura di e ‘Declaranten Cursus’ organisa pa departamento di aduana y ATIA

EA News Author

Leave a Comment

Whatsapp Message