Brian Verschuur ta un Psicologo cu tabata un di e oradornan na e anochi na UNOCA pa dialoga cu esunnan presente riba salud mental na Aruba. Aruba tin un trabou grandi pa haci den conscientisacion y trabou di prevencion. Un realidad tambe cu ta biba den comunidad di Aruba y rond mundo ta cu no ta facil pa un hende homber acepta cu e mester di ayudo y kere cu e ta scucha y e ta bay busca e ayudo ey.
Hende homber ta mas sensativo den e partinan aki segun Psicologo Brian Verschuur. Pa e motibonan aki mes e trabao di conscientisacion y prevencion ta necesario pa hende homber y importante ta pa tin un caminda cu nan por yega.
Mester cuminsa papia di Men’s Mental Health y Salud mental di humanidad mas nos cuminsa papia di dje menos tabu e ta bira. Un hende homber ta bay mas lihe na un psicologo homber pa por papia , esaki ta mustra e confiansa di hende homber pa hende homber cu por compronde otro. Nos mester focus pa sostene e hende homber nan cu ta pasando den situacionnan fastioso.
Segun Psicologo Brian Verschuur ta conoci cu e hende homber ta esun cu ta mas dificil pa busca ayudo y esaki ta debi di hopi factor social y culturalmente e no ta cu un hende homber sa busca ayudo. Aunke cu tin fundacionnan di hende homber y e schif ta cuminsa e no ta hopi. E hende homber mester ta un poco mas habri pa busca ayudo.
E conseho pa tur hende homber ta pa no tene miedo “ forsa di berdad ta capacidad di ta honesto di loke bo mester y no loke bo kier pa bo mes “ Busca pa ta honesto cu bo mes y bay pe sin miedo.
