E departamento di “Social Work and Development” di e facultad di Arte y Ciencia na Universidad di Aruba a organisa un dialogo publico riba e topico “Ban Papia di Salud Mental”. E dialogo publico aki ta parti di e exposicion ‘Cuadro di Problemanan Social y Solucionnan. Minister di asuntonan Social Rocco Tjon tabata presente y ta kere cu tipo di actividadnan asina ta hopi importante.
Na momento cu ta papia di salud mental ta importante pa conscientisacion y kita e miedo y papia riba salud mental. E presentacion di studiantenan di Universidad di Aruba a haci atrabes di arte ta mustra e preocupacionnan y e situacion cu ta biba di salud mental na Aruba. Tambe tabata presente diferente oradornan unda cu por a haci dialogo publico cu tur esunnan presente riba e topico di Salud Mental.
Minister di Asuntonan Social Rocco Tjon ta duna di conoce cu no ta tur ora mester ta di conferencianan grandi, pero den seno nan chikito tambe por logra hopi y esunnan cu ta sinti cu nan mester di apoyo y yudansa semper por ta presente. Un pabien ta bay na UNOCA,Universidad di Aruba, Psicologonan y tur studiante cu a haci e anochi posibel.
Banda di tur cos salud mental por toca tur hende, e no ta discrimina pero e ta afecta famia y tur loke ta alrededor di dje y e por haci hopi efecto riba su mes como serhumano tambe, pesey mes ta importante pa busca ayudo. No mester tin berguensa pa busca ayudo, nos tur ta bay un dokter ora nos ta malo. Na momento cu ta papia i salud mental na momento cu bo ta sinti malo y kier papia cu un hende haci esaki no keda sin papia. Kies e persona cu bo ta confia pa bo por recupera y mira solucionnan cu mester traha riba dje.
