Den un otro noticia Parlamentario di FUTURO Ruthlyn Lindor ta indica cu den e reunion di DOW por a haya sa cu KIA no ta cay den e presupuesto di DOW, pero ta cay den e presupuesto di Husticia. No ta un secreto cu Korrectie Instituut Aruba (KIA) ta den un situacion deplorabel. Ta manda personanan cu a haci cosnan robes den KIA pa asina por corigi nan den KIA pero lamentablemente e luga no ta bon hinca den otro no pa esnan cu ta bay cera y tampoco pa esnan cu ta traha den KIA.
Actualmente tin varios cuidado di preso cu ta na cas cu burnout pero ta e structura di trabou ta ocasionando henter e situacion aki. Loke cu ta haci hopi falta den nos sociedad na e momentonan aki ta diferente proyectonan y ta kere cu mester rebiba diferente proyectonan bek pa muchanan entre 12-15. Actualmente e grupo di muchanan aki ta cometiendo actonan criminal caba pero debi na nan edad nan no ta wordo castiga, pero e realidad ta cu ya caba nan ta cometiendo crimen di personanan di mas edad peronan no ta haya castigo door di nan edad.
Parlamentario Ruthlyn Lindor ta kere cu mester busca un manera pa por preveni pa e muchanan sigui comete actonan mas severo cu nan por daña full nan futuro. Si no atende cu e problemanan awor aki Aruba lo haya su mes den hopi mas problema. Segun Parlamentario Ruthlyn Lindor
Actualmente ta trahando riba un ley pa asina mira cu minister di enseñansa por haya full minister raad pa compromete nan mes cu un fraccion di nan begroting pa por reactiva e after school project. Pa Parlamentario Ruthlyn Lindor esaki ta e unico manera cu por yuda e muchanan yega na nan potencial , no ta papia solamente di un proyecto di deporte, pero ta kere cu ta hopi importante pa hinca arte, STEM project, musica ect ect. Importante ta pa e muchanan keda afo for di criminalidad
