Parlamentario di FUTURO Ruthlyn V. Lindor ta indica cu na final di gabinete wever croes a pone e 17 miyon disponibel pa casnan social pa e parlamentario esaki ta straño debi cu ta te na final di e gabinete Wever Croes ta haci esaki. Segun Parlamentario di FUTURO Ruthlyn V. Lindor awor gobienro a cambia y ta kere cu mester bay wak y revisa unda e placa aki ta bay realmente. Durante di campaña por a tuma nota cu e casnan social y e barionan ta den hopi mal condicion, por a papia cu e personanan unda cu ta sinti nan dolor y por wak cu e bario ta den hopi mal estado. Loke cu ta hopi bisto ta cu FCCA no ta mantene nan barionan.
Abase di tur e kehonan cu tin a wanta e placa pa sa abase di kico ta pone e 17 miyon ey disponibel pa FCCA. Loke cu a un realidad ta cu FCCA ya caba a haya un subsidio y a haya un extra tambe y despues ta bolbe haya un placa su tras unda cu FCCA tin suficiente fondo, pero pa sorpresa e huur di e cas nan ta subi , algo no ta cuadra den e maneho di FCCA.
Parlamentario di FUTURO Ruthlyn V. Lindor ta indica cu ta importante pa sa con ta midi e beneficio pa pueblo ora ta presupuesta proyectonan. Esaki ta un di e problemanan cu Aruba tin unda cu no ta gusta traha cu cifra y ta dies hisa benta algo sin sa kico ta su rendimento y of con a midi y dicon a hacie di e manera ey.
Parlamentario di FUTURO Ruthlyn V. Lindor ta di opinion cu nos no por traha di e manera cu e ta actualmente gobierno mester tin un bista unda e placa cu e ta duna na e fundacionnan ta bay pa comunidad. Berdad kier bin cu mas cas nan social , pero mester midi cu si mester bin cu mas cas social no lo trece pas problema. Un cas social ta pa yuda e persona stabilisa unda cu por paga e huur di cas, pero na mes momento cu si e huur ta asina caro y bo no por paga esaki e ora no ta papia mas di cas social y no ta papia di ta yuda e ciudadano den necesidad.
Tambe loke cu ta resalta hopi ta cu mayoria di e barionan no tin espacio nan pa e muchanan di bario por hunga na dje, tambe mester tin vigilancia na nan y tin coach nan cu por duna e sport pa e muchanan por hunga. Segun Parlamentario di FUTURO Ruthlyn V. Lindor na momento cu ta papia di infrastructura mester sa bon con ta construi na beneficio pa e comunidad di Aruba.