Den e presupuesto di Pais Aruba a pone 17 miyon pa fundacion FCCA pero no ta un secreto cu minister Geoffrey Wever a kita e 17 miyon aki for di fundacion di FCCA pa construi casnan social na Aruba. Sinembargo Parlamentario Ruthlyn V. Lindor ta indica cu mester bay haci un investigacion pa asina mira con lo mester bay inverti den e cas nan social.
Ora ta papia di un cas social ta papia di personanan di menos recurso pa tin un cas social cu nan por pone un dak riba nan cabes hunto cu nan famia. Sinembargo loke cu ta un realidad tambe ta cu na momento cu ta ahusta e salario minimo , diripiente e cas nan social tambe ta subi di prijs , esaki ta un situacion di procupacion cu tin mirando cu e tiki cu e salario minimo por subi ya caba ta trata di kita esaki di un otro manera unda cu e persona cu supuestamente lo mester haya un ayudo pa e tin un espacio pa haci mas cos no por logra haci esaki debi cu asina cu e salario minimo subi e huur di e cas social tambe ta subi.
Tambe lo bay haci un investigacion di kico ta e kehonan cu mas e ciudadanonan cu ta biba den un cas social tin. Semper FCCA ta haya subsidio di gobierno, pero si mester mira e estado di e cas nan social cu FCCA ta esun cu mester percura pa esaki nan , nan no ta nada bunita y no ta na ordo hopi di e casnan social e mantencion cu FCCA mester haci parti di pafo di e cas nan no ta haci esaki.
Tambe Sinembargo Parlamentario Ruthlyn V. Lindor ta indica cu hopi di e barionan di e casnan di FCCA tampoc no ta wordo manteni unda cu hasta tin practicamente algun cu ta mane un dump, tur esaki nan ta tareanan di FCCA pero cu FCCA no ta cumpli cu ne. Mirando tur e puntonan aki Sinembargo Parlamentario Ruthlyn V. Lindor ta indica esaki nan ta e motibonan dicon a para e 17 miyon pa FCCA haya y mester haci un investigacion pa coregi diferente di e puntonan cu ta bay malo.
Tambe mester atende cu e barionan pa asina e muchanan sinti cu nan ta biba den un bario limpi . Segun Parlamentario Ruthlyn V. Lindor no ta trata solamente di duna acceso na personanan pa haya un cas social pero importante di tur esaki ta e maneho cu FCCA ta haci den e barionan por trece un influencia y trece positivismo den e bario y por trece siguridad den e bario pero pa Pais Aruba unda cu e personanan cu ta biba den e bario ta sinti cu nan ta biba den un bario dignamente y cu nan kier take care di nan bario tambe.
Parlamentario Ruthlyn V. Lindor ta indica cu lo bay revisa FCCA mirando tur e kehonan y e problemanan cu tin y asina lo bay mira con lo por yuda FCCA pa bin na barionan social , pero tambe na barionan cu e personanan por biba dignamente den comunidad.