Ariba e mainta di 17 di augustus 1795, Un evento historico a tuma lugá na Kòrsou ku a marca un puntu crucial den e lucha pa libertat i dignidad di sernan humano. Esaki tabata e dia ku Tula (konosí tambe komo Tula Rigaud), un esklabo trahando na plantashi “Knip,” a deklará su libertat i a dirigí un lantamentu kontra e sistema opresivo di esklavitut. E akshon aki a desencadená un rebelion organisá, ku a dura mas di un luna i a transformá permanentemente den e menoria historico di nos isla hermana.
Tula, inspirá pa e exito di e Revolushon Haitiano di Tousent L’Overturre i influensiá pa e idealan revolushonario franses di “liberté, égalité, fraternité,” a reuni entre 40 i 50 esklabo na Plantage Knip, propiedat di Caspar Lodewijk van Uytrecht. Nan a informá Van Uytrecht ku nan no lo mas sirbié komo esklabo. Van Uytrecht, sintiendo ku e no por para nan, a remití nan ku e gobernador na Willemstad.
En bes di dispersanan, e grupo, bou di liderazgo di Tula, a marcha for di plantashi pa plantashi, liberando mas i mas esklabo i ampliando nan númber te mas o menos 2.000 esklabo den solamente dos dia. Durante un negociashon ku e misionero fransiskano Jacobus Schinck, Tula a deklará: “Nos a wordu abusá demasíádo den nos bida, nos no ta buska di hasi daño na ningun hende, i nos ta buska nos libertad. Negronan franses a gana nan libertad, Hulanda a wordu okupá pa e Francia, e ora nos mester ta liber aki”
Durante e weekend pasá, na Kòrsou a kommemorá e levantamentu di esklabonan di 17 di augustus 1795 na vários manera. Aproksimadamente 200 persona a reuní ariba djasabra na Museo Tula, Landhuis Knip, pa partisipá den e “Flambeu di Libertád 2025,” un konmemorashon históriko i kultural organisá pa ‘Fundashon Museo Tula’. Na e monumento den Parke Lucha pa Libertat na Rif, a pone kransnan ayera na e estatua di Tula. E weekend aki tambe a develá un mural di Tula i a presentá un dokumentario tokante e herensia di esklavitut, esaki a tuma lugá na Kura di Rif. E dokumentario i e mural ta un inisiativa di e ‘Komité di Konmemorashon Pasado di Sklabitut’ i Fundashon Kaya Kaya.
