Enconexion cu diferente casonan di atraco ariba personanan di edad cu a tuma lugar entre otro na Essoheights, Weg Kustbatterij, den Mainstreet y otro casonan mas cu ainda ta wordo investiga, recherche di San Nicolas (DAR3) diabierna mainta a haci un entrada hudicial na un cas na Rooiweg y akinan a detene un total di cuatro hende homber:
N.J.A.B. , naci na Aruba 25 aña, R.R. Vd B., naci na Aruba 24 aña, G.N.A.D. M. , naci na Aruba 17 aña y B.J.B., naci na Aruba di 25 aña.
Den dicho cas a haya basta articulonan procedente di e atraconan akiriba menciona y droga.
No ta descarta cu lo ta bay tin mas detencion.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama e tiplijn di Polis cu ta 11141. Nos ta garantisa cu bo ta keda anonimo.