Un analisis di e resultadonan di e ultimo eleccion na Aruba ta mustra un panorama politico cu ta rekeri un reeleccion profundo di parti di e autoridaddnan di Reino, incluyendo e Secretario di Estado pa Relacionnan di Reino, Eric van der Burg. E cifranan oficial di e Raad Electoral ta revela cu e coalicion di AVP y Futuro no ta representa e mayoria absoluto di e pueblo votado.
E Cifranan di e Coalicion
E partidonan cu actualmente ta formando coalicion a haya e siguiente apoyonan:
• AVP: 17.876 voto (9 asiento)
• Futuro: 7.349 voto (3 asiento)
• Total di e Coalicion: 25.225 voto
A pesar cu e dos partidonan aki ta suma un mayoria di asiento den parlamento, e realidad di e votacion total ta mustra un decision di e electorado cu no a apoya e combinacion aki.
E Voto di Oposicion y e Partidonan Menor
E decision di e pueblo cu a bay vota y cu no a duna nan voto na AVP ni Futuro ta representa un total di 9.161 voto, reparti entre e otro 7 partidonan cu a participa:
• RAIZ: 2.323 voto
• Action21: 2.204 voto
• MAS: 1.722 voto
• LPR: 1.349 voto
• RED: 635 voto
• HTC: 505 voto
• CURPA: 423 voto
E Resonansa di e Mayoria cu a manifesta nan mes en contra
Ora di haci e calculo completo di e electorado cu a vota pa otro opcionnan of cu no a sostene e liña di e coalicion di manera directo, e cifranan ta papia pa nan mes:
• Absencionismo (Personanan cu no a vota): 13.461 elector cu tabata tin derecho pa vota a keda cas.
• MEP: 17.572 voto
• PPA: 3.538 voto
• Votonan di e otro 7 partidonan: 9.161 voto
• Votonan pa Dr. Ryçond De Meza (AVP): 1.476 voto cu no ta di acuerdo cu e liña di AVP
E suma total aki ta yega na un masa di 45.208 ciudadano cu no a duna nan respaldo na e coalicion di AVP + Futuro.
Conclusion
E datonan aki ta pone en duda e argumento cu e mayoria di e pueblo di Aruba a scohe pa e gobernacion actual y e direccion cu e gobienro actual AVP –FUTURO ta poniendo Aruba pasa aden. E realidad electoral ta mustra cu un mayoria substancial di e pueblo a expresa nan mes contra of a dicidi di no participa den e proceso, locual ta exigi un dialogo mas amplio y intencion pa tur e decision di e sociedad.