Promer Minister Dr. Luc Mercelina a raporta cu e isla no a sufri incidentenan serio durante e pasada di horcan Erin y aunke esaki ta un bendicion toch e la urgi habitantenan di e isla pa keda vigilante y atento pasobra tormentanan por escala sin previo aviso, manera tabata e caso cu Erin.
Aunke e horcan no a yega tera, toch e la basha hopi awasero ariba St. Maarten ariba diasabra, caminda e sistema a crece di un categoria 1 pa categoria 5 den cuestion di oras. E poblacion di St Maarten a tuma medidanan di siguridad, mayoria supermercado tabata habri diasabra y basta habitante tabata riba caminda.
E lama cu tabata toch bruto, a percura pa trece sargassum na canto di lama cu a causa erosion di beach na algun localidad. Mercelina a keda asombra y a expresa “ na dado momento nos tabata deal cu un tormenta tropical y den 12 ora e la intensifica pa un horcan categoria 5’ E promer minister a subraya cu mirando con e tormenta a crece asina rapido cu no tin tempo pa accionnan di ultimo ora, ta importante pa abo ta prepara y preparacion di cada cas y famia mester cuminsa trempan, idealmente prome cu Hurricane Season cuminsa.
E la recorda cu no ta solamente gobierno mester prepara, pero tambe comerciantenan y nan negoshi, casnan y comunidadnan completo. Mercelina a urgi e publico pa mantene nan mes informa door di canalnan oficial. Horcan Erin ta e di 5 tormenta cu a haya nomber pero ta e prome gran horcan di 2025.8.18
Adhunto un foto di diadomingo na Boardwalk Boulevard unda sargassum cu a subi beachnan a causa erosion.