Nicholle Ayers ta un astronauta staciona den e Space Station Internacional cu ta circula den espacio a captura un imagen impresionante di un fenomeno electrico. Durante su fly-by ariba e pais Mexico, e astronauta a saca e potret di un evento electrico unico cu a saca un lamper cora briyante cu a ilumina e atmosfera.
E evento unico aki ta wordo describi como un TLE na Ingles of un Evento Luminoso Transitorio, basicamente e ta un strena cu ta bay ariba den e atmosfera, na luga di baha manera strena y lampernan normal.
Normalmente TLEnan ta pasa na e parti ariba di un tormenta electrico ( sistema di awasero compaña pa strena cu lamper). Ayera a spot e tormenta ariba Mexico y USA cuminsamento di e siman pasa y a dicidi di saca e potret.
Expertonan ta kere cu e fenomeno a wordo provoca door di streanan cu carga positivo entre e nubianan y tera. Na nan turno esakinan ta genera un campo electrico cu por extende pa kilometer na e parti ariba di e tormenta saliendo asina den e atmosfera superior, y comunmente ta yama nan ‘Sprite’.
E astronauta a publica e imagennan ariba su medionan social, bisando ‘ WOW, awe mainta nos a captura un sprite’ tambe e la remarca cu debi na su vision privilegia desde e Space Station e por logra a saca e potret di e fenomeno.
