Djasabra dia 8 di mart ta Dia Internashonal di Hende Muhé. E hende muhénan riba
lista di Kousa Promé Ellen Maduro-Jeandor, Irene Martha, Indira Boelbaai, Ilca
Williams, Mariane Isenia i Giselle Rosalia ta invitá tur hende muhé di Kòrsou pa topa
nan na Sentro di Bario Montaña. 50 porshento di e listarionan di Kousa Promé ta
konsistí di hende muhé. Den e tempu krítiko aki ku Kòrsou ta pasando aden nan tin
algun mensahe importante. E mensahenan ta kubri e áreanan di gobernashon di
Kòrsou, edukashon, kultura, empresa chikí, salubridat i situashon sosial. Palabra di
apertura riba e anochi spesial aki ta na enkargo di e trahadó sosial di gran trayektoria
sra. Jeanette Juliette Pablo. Riba e anochi aki lo tin tambe presentashon kultural
interesante di algun artista yu di Kòrsou entre otro un solo di e bailarina konosí Vali
Leonora. Kousa Promé ta warda bo bin kompañá nan riba e anochi spesial aki. Pueblo
kompletu ta invitá pa kompañá e hende muhénan di Kousa Promé riba Dia
Internashonal di Hende Muhé. E aktividat solèm akí ta di 7’or pa 9’or na Sentro di bario
Montaña. Entrada ta grátis.
Dia Internashonal di hende muhé ku Kousa Promé
