Dia 15 di november 1955, Gobierno di Teritorio Insular di Aruba a aproba nos escudo oficialmente. Un escudo ta e identidad di un Pais y di un pueblo. Diasabra awo nos escudo lo celebra 70 aña cu a aprob’e oficialmente den Eilandsraad.
Den conexion cu esaki, Departamento di Cultura (DCA) lo haci e conmemoracion , door di informa y educa, haciendo uzo di nan plataforma digital, www.cultura.aw, unda tur informacion di nos simbolonan nacional, nos identidad y nos historia, tur loke Aruba tin di ofrece ta poni den un forma educativo y informativo pa tur hende nacional y internacional mira. Vocero di departamento di cultura Junior Arends ta elabora mas.