Diahuebs awor, dia 8 di september, Fundacion Lanta Papiamento (FLP), segun custumber di e ultimo añanan, lo cera aña cu un Tertulia Literario. Esaki ta tuma luga na Biblioteca Nacional na San Nicolas.
FLP lo honra nos autornan, celebrando e bunita cosecha literario di 2022. Ta trata di 15 autor cu a skirbi tanto na Papiamento, como na Hulandes y Ingles. E cosecha ta consisti di poema, storia pa mucha, hoben y adulto y buki relaciona cu teatro, herencia genetico, historia di Aruba y religion.
Pueblo di Aruba ta cordialmente bonbini na Biblioteca Nacional na San Nicolas pa gosa di 6 or – 8 or di Tertulia 2022, cerando conoci cu e autornan invita y nan obranan. Tin dushi musica y benta di buki na final. Entrada ta gratis.