Dia Den parlamento a trata e Landsverordening Instelling Ministeries, esta e ley pa regla e carteranan, nan tareanan y nan autoridadnan. A warda riba e ley aki pa lunanan y finalmente dia 7 di januari e ley a drenta Parlamento. Ya caba a pasa 100 dia di gobernacion sin cu e ley aki a ser aproba y sin tin un presupuesto di e anja aki. Ya caba Rijkministerraad y CAft a mustra gobierno riba esaki. Durante e reunion publico gobierno no a contesta preguntanan di oposicion manera cu mester ta. Tampoco gobierno no a cumpli cu recomendacionnan di Raad van Advies. Ministernan tabata chwercha y ataka parlamentarionan di oposicion ariba nan preguntanan y a bai te den antanjo y referi na gobiernonan di antes sin contesta preguntanan. Por a nota cu coalicion enbes di haci pregunta na gobierno a skohe pa ataka oposicion, hasta den prome tanda. Den e tanda aki no mag di referi na otro orador, pero cu e presidente aki cu no sa su reglement van orde tur cos por. Parlamento su nivel a bai te na vloer. Si bo kier reclama ora gobierno insulta, bo por wel di lubida paso e no ta duna oportunidad.
Raad van Advies den su comentarionan a cuestiona e cantidad di 8 minister. A cuestiona alabes e constelacion y reparticion di ministerionan. Den gobierno su contesta na Raad van Advies ta sali na cla cu ta a base di preferencia di politiconan di coalicion a reparti e ministerionan y no a base di contenido y tareanan. Pues interes general no ta un base pa a reparti e diferente ministerionan.
Raad van Advies ta mustra ariba un desbalance de reparticion y e risico pa instabilidad den e gabinete como consecuencia. Tin carteranan tin mas responsabilidad, mientras otronan tin tiki responsabilidad. En especial e mandatarionan di Raiz tin menos autoridad, locual no ta na su lugar. Ta keda na nan pa reacciona riba esaki.
Raad van Advies ta trece padilanti cu e informacion duna den memoria di di splicacion no ta suficiente y pa mehora esaki integral, no ta suficiente referi na palabracionnan di coalicion.
Gobiero ta keda insisti cu e cantidad di minister no tin efecto ariba e
gastonan, sino e grandura di e ministerionan.
Segun Wyatt-Ras gobierno tin un voorbeeldfunctie y mester duna ehempel na nos pueblo. Gobierno mester corta den su gastonan y tambe den gastonan di ministerionan y pues baha e cantidad di minister na 7 manera Raad van Advies ta indica. Ta spera di empleadonan publico y semi-publico pa entrega 12.6% di salario. Ta spera di e mundo medico pa entrega 60 miyon y cu nos cuidadanon cu of sin recurso lo tin cu paga eigenbijdrages pa mira specialista, pa busca receta, haya medicina y acudi na SEH. Esaki mientras gobierno no kier baha su gastonan di operacion.
Wyatt-Ras a cuestiona cu e asunto di integridad ta parse tin ministernan nervioso. Paso awo e minister presidente no kier carg’e su so. El a pas’e pa minister di naturalesa tambe. Esaki ta duna e minister presidente alabes e oportunidad di skonde pa responsabilidad. Un dado momento Bo no sa mas ken ta responsabel pa integridad di bo pais. Esey ta tipico pa e minister presidente pa skonde tras di saya di otro. Ora cos bira hot tira culpa cu ta minister di naturalesa.
Miranda e asunto di fraude den DVG, a puntra minister pa duna briefing y e minister aki a rabia y cuminsa tira tur otro asunto menos contesta e pregunta. E minister di salubridad mescos ta grita ora e no ta na palabra mientras e no kier contesta pregunta pa loke ta trata DVG gate.
Wyatt-Ras a cuestiona igual cu raad van Advies colocacion di geestelijke gezondheidszorg of salud mental y Sociale Zaken bou Justicia.
Alabes si coloca e disciplinanan salubridad, social y cuerpo policial hunto den mesun edificio esaki lo yuda e eerste opvang pa haya prueba, den caso tin, pero no necesariamente lo yuda e ayudo y therapia di e menor y su mayornan pa cual Respaldo tin wachtlijst largo di lunanan y Sociale Zaken tambe tin wachtlijst di 6 luna.
Wyatt-Ras ta trece padilanti cu e no a mira e efecto di crisisplan cu a lanta cu e meta principal pa baha wachtlijst. E minister a rabia asina hopi cu e feedback y a mustra su mal cara pa yama Wyatt-Ras hasta pa hipocrita, locual ta refleha con e ta trata hende cu e no ta di acuerdo cun’e. Wyatt-Ras a coregi’e debidamente. E no por kere e ta bin trata parlamentario manera e ta trata hende muher den su ambiente. Esnan cu conoce e veld social sa cu semper tin discusion entre vrijwillige y onvrijwillige hulpverlening. Awor cu e sectornan ta cai hunto cu Justicia y hasta den mesun edificio e drempel pa cliente yega por bira mas halto.
Wyatt-Ras a enfoca alabes ariba e hecho cu cuido di adiccion, salud
mental, cuido di nos grandinan y deporte no ta cai mas bao di
e cartera di salubridad. Esaki ta mustra ariba e incapacidad di e minister di salubridad
Dangui Oduber of falta di confiansa den su persona. Enbes di a traha pa esnan cu tin
problemenan mental y di adiccion el a prefera di nombra su campanjadornan tur caminda.
Hasta awor ta ser bisa cu tin ta envolvi den e fraude di DVG of vacuna gate.
A kita ademas ouderenzorg of cuido di nos grandinan foi Dangui Oduber y pone esakinan bou di e cartera di Naturalesa y Integridad, cu ta cai bao minister di RAIZ. E ta logico si paso Dangui Oduber y su partido no kier tin nada di haber cu nos grandinan. Nan a vota contra e ley di nos grandinan. Pesey partido Mep no tin cara pa por tin e cartera aki mas.
E minister di Finansas hasta a yama hende cu curazon preto discriminando hende di e forma aki.
Fraccion a presenta 2 mocion. Un ta pa kita e area di deporte for di e minister Croes enbista di conflicto di interes den e caso di Lotto pa Deporte y e otro mocion ta pa baha e cantidad di ministers na 7.eski basa riba nos situacion financiero economico y di nos pueblo dor di Covid-19, e cortamento den cartera di trahodonan gubernamental y semi-gubernamental cu ta entregando 12.6% di nan salario tot nader orde. Pandemia awor ta ser usa pa hisa gasto, p.e. di ministernan.
Wyatt-Ras a haci uso di e famoso dicho di Mahatma Ghandi cu ta refleha e voorbeeldfunctie di gobierno: “be the change you wish to see in the world”.