Minister Presidente Pisas durante un Relato di prensa a duna informashon riba e reunion di konseho di Minister di Reino(RMR)ku a tuma lugá na Den Haag, Hulanda. Riba agènda tabata tin e petishon di desviashon di RFT pa loke ta nos presupuesto i tambe e nota di kambio(NvW) di Rijkswet COHO.
Dia 17 di desèmber 2021 Gobièrnu di Kòrsou a saka un komunikado kaminda e la indiká e motibu ku no tabatin un desishon den Konseho di Minister di Reino. Esaki ta konsiderando ku no tabatin un akuerdo polítiko riba e nota di kambio. A pone esaki riba agènda i mara esaki na kondishon na e sosten di likides.
Den e komunikado aki tin pone literalmente; nos no por duna un kompromiso polítiko sin bai parlamento di e islanan pa haña sintimentu di parlamento riba e nota di kambio (NvW).
Mirando e desishon den RMR kaminda a atendé e nota di kambio i yega na akuerdo polítiko ta nifiká ku gobièrnu a duna un kompromiso polítiko tòg, sin bini parlamento. E akshon aki di parti di gobièrnu nos ta lamentá pa e echo ku gobièrnu ta tuma un desishon importante pa nos pais sin konsulta ku parlamento kaminda pueblo tambe ta sa.
E mesun partido i persona ku awe ta minister presidente tabata reklamá dia e tabatin e funshon di parlamentario ku e gobièrnu anterior tabata skonde dokumento, skonde COHO pa asina pueblo no tuma nota di e kontenido. Awe ku e ta den e posishon di promé minister, ta indiká ku e no por tuma desishon sin bini parlamento i despues di 2 siman ta aktua totalmente diferente. Pues, gobièrnu a yega na un akuerdo polítiko riba e nota di kambio sin bini parlamento. Ta ken minister presidente kier tuma hasi?
