PoliticaFeatured

Minister Dangui Oduber: A firma acuerdo entre tpef y fundacion stimami sterilisami

A Firma Acuerdo Entre Tpef Y Fundacion Stimami Sterilisami

Minister Dangui Oduber su maneho di turismo no solamente ta dirigi riba target turista di calidad, mehoracion di servicio y upgrading di area turistico pero tambe e ta basa pa crea un balans positivo pa e comunidad di Aruba incluyendo nos amigonan di cuater pia cu no tin un dak riba nan cabes.

Pa e motibo aki diahuebs mainta den un conferencia di prensa conhuntamente cu president di e board di “Tourism Product Enhancement Fund” (TPEF) sr. Arends y tambe e president di Fundacion Stimami Sterilisami (FSS) sr. Biemans, Minister Oduber a anuncia y firma un acuerdo caminda un biaha mas TPEF ta bay duna sosten financiero na FSS. E fundacion aki ta pa yuda cu sterilisacion di cacho y pushi nan di caya y tambe pa yuda doñonan sterilisa nan mascota. E programa di sterilisacion aki ta un colaboracion di sector publico conhunto cu sector priva.

E Fundacion di Stimami Sterilisami ta ricibi subsidio for di TPEF anualmente cu excepcion di aña 2021 debi na e pandemia. Nan ta haci hopi bon uzo di esaki y ta traha na un manera eficiente. Nan ta traha cu 5 diferente veterinarionan di Aruba. Durante aña 2022 e fundacion a logra steralisa un total di 3686 pushi y cacho riba nos isla y nan tin como meta den aña 2023 pa sterilisa alrededor di 5 mil/6 mil pushi y cacho.

Minister Oduber ta kere firmemente cu e manera con nos ta trata nos animalnan ta bisa hopi di nos como nacion. Abase di programanan asina, den wowo di nos bishitantenan ta eleva e imagen di e producto Aruba y ta cumpli cu e vision di Ministerio di Turismo. E meta ta pa haci nos comunidad mas consciente riba e problematica aki, mantene e mascotanan den cura ta evita cu nan ta keda reproduci. Lo bay sigui enfoca riba e campañanan di conscientisacion pa tene nos comunidad bon informa.

A Firma Acuerdo Entre Tpef Y Fundacion Stimami Sterilisami...1A Firma Acuerdo Entre Tpef Y Fundacion Stimami Sterilisami...

Related posts

Prome Minister ta gradici HIAS pa nan cooperacion y colaboracion continuo na gruponan vulnerabel den comunidad’

EA News Author

Kresementu ekonómiko ta danki na esfuerso konhunto di Gabinete Pisas II

EA News Author

Gobierno a ricibi manifesto di Sindicato TOPA riba e preocupacionnan over Prestatie Management

EA News Author

Leave a Comment

Whatsapp Message