For di 20 te ku 27 di ougùstùs 2026 un ehersisio militar lo tuma luga na Boneiru di e di 525 compania di ehersito cu ta stacioná na Corsou. E meta ta pa siña conose Boneiru su bisindario mas mihor i traha hunto cu autoridadnan i servisionan di auxilio local.
E militarisnan ta train na diferente localidad conoci riba nos isla. Durante e periodo aki nan lo haci uzo di e tereno i e facilidadnan di e club di scouting na Rincon como luga di alojamento. Aparte di actividadnan militar, e unidad lo eherse trabou pa metanan social na Boneiru tambe.
Durante e periodo aki, habitantenan i bishitantenan por topa cu militar i vehiculo militar na diferente sitio riba nos isla. Entidad Publico Boneiru ta pidi tur hende pa tene cuenta cu esaki i cumpli cu eventual instruccionnan na cualkier sitio.
Cu e entrenamentonan aki Defensa ta traha riba disponibilidad operacional di e unidad i riba un bon colaboracion cu autoridadnan i servisionan di auxilio local na Boneiru.