Presidente di Sindicato FTA a keda invita pa reuni cu formador Mike Eman y Gerlien Croes pa asina nan por trece FTA su puntonan padilanti di loke ta trata interes pa formacion di gobierno. Den e reunion a papia riba e escasez di trahado nan na Aruba . Den e parti aki FTA tambe a duna sugerencia riba e parti aki debi cu e trahado nan cu tin ta eseynan ta pone hopi presion riba nan pa asina por duna e servicio necesario , pero na mes momento e mes un presion aki ta trece cu ne cu ta bin hopi AO door di e cansancio.
Tambe a papia riba e tema di enseñansa den su totalidad unda cu ta caba di studia y subi mercado laboral. Actualmente loke cu ta biba den comunidad ta e cifranan cu ta duna riba aumento di costo di bida cu no ta 100% ta wordo refleha den e gastonan cu e ciudadano tin na momento cu nan ta cumpra den un supermercado. Segun presidente di FTA Jose Figaroa tin un desbalansa cu ta keda biba den pueblo, pero FTA a bin cu algun sugerencia pa por yuda riba aumento di salario minimo pero tambe pa haci esfuerso pa baha algun di gasto di pueblo cu ta rebaho di awa y coriente.
FTA mes tin un total di 32 CEO cu a yega su final y e negociacionnan ta andando na e momento nan aki. Sinembargo loke cu ta realisando ta cu door di e situacion mes e empresanan kier duna y tin aumentonan di salario cu ta tuma luga. Por bisa cu e negosacionnan cu tin pendiente ta andando bon y esaki sigur ta un bon señal.
Den su totalidad sindicato FTA a papia cu formadornan riba e situacion laboral, pero tambe e ley laboral cu mester wordo ahusta. Tambe a discuti un poco riba posibel flexsibilisacion y condicionnan di trabou. Tambe FTA a discuti riba algun beneficionan adicional cu FTA ta considera importante.