Na FAVI a celebra dia di Carnaval. Coordinador di proyectonan di FAVI Katherin Midi ta duna di conoce cu Aruba ta celebra e temporada y esaki ta importante pa cada miembro di FAVI tambe celebra e dushi temporada aki. Di e manera aki ta saca nan for di insolacion unda cu nan ta baila y gosa hunto den ambiente di Carnaval.
E bunita di e eventonan aki ta cu famianan tambe ta comparti cu nan, e aña aki cada un di nan a dorna un bunita trahe di carnaval cu yudansa di nan famia y asina mustra esaki cu e amor cu nan a traha nan trahe di carnaval.
Tambe tabatin competencia di pechi y tambe a decora sombre. Tabata un atardi ameno unda famia y miembronan di FAVI a pasa hunto den ambiente di Carnaval. Un danki ta bay na artistanan local cu a pasa trece un poco di ambiente na e fundacionnan aki.
