Promotor di concierto a yama un conferencia di prensa na unda cu a anuncia di e situacion y a aclaria loke cu a sosode. Segun Darren van Ommeren Concierto Duelo de Genero mester a tuma luga dia 15 di April tur permiso tabata na ordo pero e comunicacion entre e departamento di DIMAS y Immigratcion no ta manera mester. Sinembargo na momento cu e situacion aki a presenta minister suplente a duna ordo na hefe di imigracion Andrew Hoo pa laga e grupo drenta mirando cu tin un concierto cu mester tuma luga awe 15 di april 2023 y e ordo aki no a keda ehecuta. Promotornan ta haciendo tur lo posibel pa e concierto bay door diadomingo 16 di April 2023 mirando cu e concierto tabata sold out. Tambe a keda relga cu KPA pa cambia e permisonan di diasabra pa diadomingo. Tambe a busca un charter pa trece e artistanan diadomingo pa asina e concierto tuma luga. Mester bisa cu tur instancia concerni a mobilisa y gobierno a carga e consecuencia pa un decision di un ambtenaar cu riba su mes a dicidi di no laga e artistanan aki drenta Aruba pa haci e concierto. Un caso lamentabel unda cu por a evita tur e dañonan causa rond di e decision cu un ambtenaar a dicidi riba su mes pa tuma. Mirando loke a pasa ta bisto cu un biaha mas Andrew Hoo ta demostra cu e no por cu maneho, den pasado esaki a keda demostra na KPA,hefe di loss prevencion ,GNC, managment team di brandweer y awo na inmigracion tampoco.
Hefe di inmigracion Andrew Hoo lo para responsabel pa cu gastonan di propio decision ?
