Otro scol cu a haya bishita siman pasa di Minister di Cultura ta scol basico Cacique Macuarima na Santa Cruz, cual bishita tabata relaciona cu Dia di San Juan – Dera Gay cu Aruba a celebra diasabra ultimo dia 24 di juni. Na su yegada Minister Xiomara Maduro a wordo ricibi pa e alumno y docentenan. E scol a haci un bunita presentacion di e Fiesta di San Juan, na unda alumnonan a canta, baila e cancion di Dera Gay y a mustra nan talento den e wega di grito di gay. E mandatario a gradici e alumnonan pa nan bunita presentacion. Por ultimo Minister Xiomara Maduro a expresa su gratitud na e personal y alumnonan di scol basico Cacique Macuarima pa e recepcion y a gradici nan pa biba nos cultura di Fiesta di San Juan – Dera Gay.
Comunicado Minister di Cultura Xiomara Maduro
