ORANJESTAD,Aruba
Pa comunidad di Aruba.
Caribbean Mercantile Bank N.V. a tuma nota di mensahenan cu ta riba media social encuanto di un incidente cual a tuma luga cu un colega di nos banco.
Tumando na cuenta e desaroyonan actual cu ta yegando mas cerca di nos tur, na unda un di nos coleganan cu tabata cu vakantie pafo di Aruba a test positivo na Coronavirus, nos kier clarifica cu e colega despues di su vakantie tabata un rato so den Banco y a wordo manda cas pa cuarentena pasobra e tabata na Merca. Mientrastanto e empleado ta na cas y nos ta desea un pronto recuperacion.
Tin cu subraya cu e empleado en cuestion no tabata tin contacto cu publico. Alabes nos a tuma e decision te cu un próximo aviso pa manda tur e trahadonan di Noord Branch cas y a dicidi di biaha pa mantene e sucursal cera paso no tin mucho negoshi door di cierre di e hotelnan y tampoco di e negoshinan den e districto.
Bienestar di nos empleadonan ta na prome luga pa nos, como tambe e proteccion di nos clientenan y henter comunidad.
No tin motibo pa tin miedo of panico, pero si tin motibo pa nos tur BAN PREVENI!
Sinceramente,
Javier Wolter
General Managing Director.
